Eskarne Aroma Lejarreta, irakaslea eta aktorea

86 urterekin uztailean agur esan zigun durangar hau euskara irakaslea, bikoizlea eta aktorea izan zen. Bere lanen artean aipatzekoak dira 'Akelarre', 'Fuego eterno', 'Oraingoz izen gabe', 'Bandera negra' eta 'Hauspo soinua'. Gerediaga elkarteko kidea, HBko zinegotzia ere izan zen, 1979an. Durangoko familia ezagun batekoa zen, euskal kulturaren hedapenarekin oso lotua, eta Amaia eta Juanan bere anai-arrebak ibilbide luzeko txistulariak dira. Bonbardaketaren ondoren, bere familiak erbestera joan behar izan zuen, eta, 2016an, Durango 1936 elkarteak gerrako ume gisa omendu zuen.