Antoni Aranberri 'Xenpelar' bertsolariari buruz 'Hitzetik hortzera'n
GURE TELEBISTA ·
Halaber, Getariako eta Latasako bertso saioetako alerik onenak izango dira ikusgaiZUREKIN
Larunbata, 1 otsaila 2020, 23:01
Elixabete Perez Gaztelu ikertzailearen eskutik, Joxepa Antoni Aranberri 'Xenpelar' bertsolariaren bizitzan murgilduko dira aste honetako 'Hitzetik hortzera' saioan. Horrez gain, Getariako eta Latasako bertso saioetako alerik onenak ikusgai eta entzungai izango dira.
Duela 155 urte jaio zen Errenterian Joxepa Antoni Aranberri Petriarena Xenpelar, bertsolarien familia ezagunean. Tradizionalistatik adina zuen salbuespenetik garai hartarako: bertsolari kaletarra izan zen, fabrikako langilea eta emakumea. Elixabete Perez Gaztelu ikertzaileak eta Joxepa Antoniren herrikideak lagunduko dio Eider Perezi bere bizitza hobeto ezagutzen.
Elixabete Perez Euskal Filologian Doktorea da eta Deustuko Unibertsitateko irakaslea. Ez zaizkigu emakume bertsolari askoren istorioak gaurdaino iritsi, baina Perezen ahotik Joxepa Antoni Aranberriren ingurukoak ezagutuko dituzte eta ikerketa prozesua nolakoa izan den kontatuko du. Zeri buruzko bertsoak osatuko ote zituen Joxepa Antonik garai hartan?
Getariako eta Latasako bertsoaldiak
San Antonetako bertso jaialdia antolatu da aurten ere Getarian, Balentziaga Museoan. Kantuan aritu ziren Alaia Martin, Ane Labaka, Beñat Gaztelumendi, Libe Goenaga, Nerea Ibarzabal eta Odei Barroso; Uxune Areizagak egin zituen gai-jartzaile lanak. Latasako biltegian, aldiz, bertso afaria izan zen Julio Soto eta Maialen Lujanbiorekin.
'Hitzetik hortzera', igandean, 15:00etan, ETB1en eta eitb.eus-en dago ikusgai; eta astelehenetik aurrera EiTB Nahieran.
