Oparitzeko euskal literaturako liburu onenak

Erein. 336 orr. 21 euro

Zugastiren hirugarren eleberrian, aurrekoan bezala, gizakiaren alderdi ilunekiko erakarpena antzematen da. Intrigazko osagaiek ardazten dute kontakizuna eta estimatzekoa da nola josten dituen hiru pertsonaia protagonisten ahotsak: Paula, nerabezaroan, eta Juan eta Leandro, zaharren egoitza berean. Zahar-tzaroaren eta gaztaroaren kezkak kontrajartzeaz gain, maitasuna da gai nagusia.

Pamiela. 160 orr. 12,90 euro

Urretabizkaiak atera duen eleberri interesgarri honetan adineko emakume bat agertzen da, iragana atzean utzi nahi duena. Horretarako, Hendaian etxe bat erosi eta bere nahierara apaintzen du bizitzako azken urteen lasaitasunaren bila. Elkarrizketarik gabekoa eta narra-tzaile orojakilea baliatuz, identitateaz, zahartzeaz, gizon-emakume harremanez, bakardadeaz dihardu idazleak

Farmazia Beltza. 296 orr. 20 euro

Idazle orok kezkatzen ditu adierazkortasunak, zehaztasunak, baina Jon Benitok harago joan da 15 kontakizun hauekin. Hizkuntza apurtu eta hitz berriak asmatu ditu adierazpide egokia bilatu nahian. Gaien aldetik, identitatea, desira, askatasuna edo mugak nabarmen-tzen dira. Irakurleari ahalegina eskatu arren, prosa eta poesiaren arteko konbinazio harrigarriak interesa pizten du.

Susa. 192 orr. 17,10 euro

Lopetegitarrek kudea-tzen duten tabernako istorioak dira Bar Gloriakoak. Izenak besterik iradoki badezake ere, ez da loria handiko gunea. Etxeko bi alabek buru-belarri dihardute lanean bertan. Bezero eta zerbitzari, guraso eta alaba… hierarkiak erreproduzitzen dituen mikro-gizartea da taberna. Haien arteko komunikazio ezak ardazten du 27 kapitulu laburretan banaturiko eleberri gordin hau.

Susa. 120 orr. 15,20 euro

Batetik besterako ibilbidea (zinetik etxerakoa, nahiz familiako aspaldiko etxerakoa) inguruari begiratzeko aitzakia da liburu honetan. Prosa poetikoz idatzitako liburua da Anari Alberdirena. Linternak ganbara ilunean nola, halaxe isurtzen du argia idazleak objektu zehatzetara eta iraganera eta, gordin eta xehe deskribatzen ditu. Hari xumeen bitartez gai garrantzitsuen erresonantziak sortzea, horixe da musika.

Elkar. 148 orr. 16 euro

Mamu guztiek ez dute izararik. Batzuk gure azalaren barruan bizi dira eta gure parte bihurtzen dira, harik eta gure buruarekin egoteak beldur eman diezaguken puntura arte. Donostia Hiria saria irabazi duen ipuin bilduma honetako pertsonaiek harreman intimo ilunak dituzte eta haien desioa beste nonbait dago. Elegantziaz harilkatutako ipuinak, kandela baten argitan irakurtzeko.

Alberdania. 224 orr. 18, 40 euro

Anjel Lertxundiren saiakera honetan, idazle-bokazioa agerian jartzeaz gain, gai asko hartzen ditu hizpide gogoeta interesgarriak irakurleokin partekatzeko: kexaren kultura, naturaren suntsiketa, politika, hizkuntza, artea. Hainbat pentsalariren ideiak aipatzen ditu gainera (hala nola, Erasmo, Zweig eta Adorno) gizatasuna, etika eta onestasunaren beharra aldarrikatzeko asmoz.

Elkar. 80 orr. 13,50 euro

Poema luzeak azaltzen dira Gorrotxategiren seigarren poesia-liburuan. Hiru ataletan banatuta, lehenengo olerkiak ('Himnoa') liburuaren tonua ezartzen du eta, ez kasualitatez, alearen lehen eta azken atalak 'Otoitza' izeneko poemekin ixten dira, non igerilariaren irudia darabilen. Udaren gorazarrea, adiskidetasunaren ospakizuna eta itsasoarekiko mirespena nagusi dira bertsoetan.

Erein. 336 orr. 21 euro

Liburu honekin Blas de Otero-Ángela Figuera XIV. Poesia Saria irabazi zuen Angel Errok. Poetaren ironiaren erakusle, titulua engainagarria da, irakurtzeko jarraibideak izan beharrean, orden finko bat segitu gabe gomendagarriagoa suerta baitaiteke irakurketa. Hizkun-tza joria eta lirikotasuna agerian utziz, maitasuna islatzen da biziaz, poesiaz, bikotekideaz, amaz edo edertasunaz.

Susa. 88 orr. 12,82 euro

«Lilura eragin eta multiplikatzeko/ herenarekin aski du arte abstraktuak», dio liburuari izena ematen dion poemak. 64 soneto bildu ditu Canok: metrikak ebakitako eta errimak itsatsitako esaldiak. Tematikoki ohiko gaiei heltzen die; baina formalki, ezohiko moldean. Josteta ariketak dira, ezpainetan zirkulu erdi marrazteko diseinatuak. Haurtzaroari buruzkoak borobilak dira zinez.

Susa. 90 orr. 13 euro

Mundu hobe batekin amestu ondoren mundu zakar batera esnatu den belaunaldia izan da Otamendirena. Kiroltasunez liseritutako porrota dakar liburuak eta aldi berean erronka berriei aurre egiteko kemena. Bere aurreko liburuekin gozatu dutenentzat, garantia bat da. Hitz joko distiratsuz betetako poema liburua da Otamendirena: «Gu geu suntsipen eta / amodio masiboko makinak ez gara ba».

Elkar. 128 orr. 22 euro

Mikel Laboaren bizitza laburbiltzen du maisulan honek: dagoeneko euskal kulturaren historia dena eta haren bizipen pertsonalagoak. Gernikako bonbardaketa, Ez Dok Amairuren sorrera, haren neurologo lana, heriotza… errebisatzen ditu komikiak. Cano eta Iturriagaren gidoilari lanak Laboaren bizialdiaren sintesi magikoa sortu zuen eta Josevinskyren ilustrazioek taupaka jarri zituzten haren oroitzapenak.

• Temas
• Euskera
• Liburuak