«Hurrengo hamarkadan emakumeen mutilazio genitalaren 2 milioi kasu gehiago gerta daitezke»

Datorren hamarkadan emakumeen genitalen mutilazioaren bi milioi kasu gehiago gerta daitezke, COVID-19k eskolak ixtera behartzen eta neskak praktika kaltegarri horretatik babesten laguntzen duten programak eteten jarraitzen duen heinean. Orain jardun behar dugu hori gerta ez dadin.

COVID-19k aurrerapena oztopatu aurretik ere, 2030erako emakumeen genitalen mutilazioari amaiera emateko Garapen Iraunkorreko Helburua asmo handiko konpromisoa zen.

Hala ere, gure anbizioa murriztu beharrean, pandemiak indartu egin du urtero mutilazio genitala jasateko arrisku handia duten 4 milioi neskato eta emakume baino gehiago babesteko erabakia. Hori lortzeko, neurri hauek hartu behar dira:

Elkartu egin behar gara. Emakumeen genitalen mutilazioa amaitzeak aktore talde zabal baten arteko lankidetza eskatzen du. Horren barruan sartzen dira mundu, eskualde, nazio eta toki mailako politikak formulatzeaz arduratzen direnak, bai eta gizarte zibila ere, oinarri komunitarioko erakunde txikietatik eta emakumeen eskubideen aldeko taldeetatik hasi eta nazioarteko gobernuz kanpoko erakundeetaraino. Aldaketaren eragileei, hala nola irakasleei eta osasun-langileei, erlijio-buruei eta hirugarren adineko tokiko pertsonei, funtzionario judizialei eta ordena-indarrei bezalaxe. Gizonek eta mutikoek ere funtsezko zeregina dute. Elkarrekin, zabal ditzagun biziraun duten gero eta pertsona gehiagoren ahots boteretsu eta konbentzigarriak, beren komunitateetan aldaketa eraldatzaile baten buru direnak.

Gure ahaleginak gure konpromisoaren maila berean finantzatu behar ditugu. Emakumeen genitalen mutilazio-kasuak murrizten ari diren herrialdeetan ere, beharrezkoa da aurrerapena hamar aldiz biderkatzea, 2030erako desagerrarazteko mundu-mailako helburua betetzeko.

Horrek 2.400 milioi dolar inguru eskatuko ditu datorren hamarkadan (2.000 milioi euro inguru), hau da, 100 dolar baino gutxiago neskato bakoitzeko. Ordaindu beharreko prezio oso txikia da, neskato baten gorputz-osotasuna, osasuna eta bere eskubideen urraketa horri «ez» esateko eskubidea zaintzeko. Hala ere, diru hori lortzeko asko falta da.

Azkar jardun behar dugu, modu erabakigarrian eta fronte askotan aldi berean. Bermatu behar dugu neskatilak hezkuntzarako, osasun-arretarako – sexu- eta ugalketa-osasuneko zerbitzuak barne – eta biziraupenerako bitartekoetarako sarbidea izango dutela, eta legeek, politikek eta arau sozial berriek babestuko dituztela. Bultza ditzagun nerabeen lidergo-trebetasunak, eta sustatu dezagun haien boterea indarkeria-mota guztiei, haien gorputzei egindako indarkeriazko erasoak barne, «nahikoa da» esateko.

Emakumeen genitalen mutilazioari amaiera emango dioten esku-hartzeek, halaber, neskek eta emakumeek beren giza eskubideak baliatzeko, beren potentziala garatzeko eta beren komunitateei eta etorkizunekoei bete-betean laguntzeko duten boterea eta erabakitzeko gaitasuna lortzen lagunduko dute. Emakumeen genitalen mutilazioa eta genero-berdintasuna desagerrarazteak elkarren mendeko helburuak eta helburu osagarriak eskatzen ditu. Beste era batera esanda, genero-berdintasuna errealitate bat balitz, ez litzateke emakumeen genitalen mutilaziorik egongo. Hori da lortu nahi dugun mundua, eta Garapen Iraunkorreko Helburuek gu horra eramateko bidea marrazten dute.

Badakigu zer balio duen, ez dugu aitzakiarik onartzen. Aski da emakumeen eta nesken aurkako indarkeriarekin. Frogatu daitezkeen eraginkortasun estrategien inguruan elkartu, behar bezala finantzatu eta jarduteko unea da.

UNICEFek munduko tokirik zailenetan lanean dihardu munduko haur kalteberenengana iristeko. 190 herrialde eta lurraldetan, haur guztientzat egiten dugu lan, nonahi, egunero, mundu hobea eraikitzeko asmoz.

Informazio gehiago, hemen.

UNFPA sexu eta ugalketa osasunaz arduratzen den Nazio Batuen erakundea da. UNFPAren misioa mundu bat sortzea da, non haurdunaldi guztiak desiratuko diren, erditze guztiak seguruak izango diren eta gazte guztien potentziala aprobetxatuko den.

UNFPAk dei egiten du guztiontzako ugalketa-eskubideak bete daitezen lortzeko, eta sexu- eta ugalketa-osasuneko zerbitzu ugaritarako sarbidea babesten du, borondatezko familia-plangintza, kalitatezko amaren osasun-arreta eta sexu-hezkuntza integrala barne.

Informazio gehiago, hemen.