Aiko taldearen dantza lantegia Gasteizen

Aiko musikari eta dantza maisuen kolektiboak dantza erakusketa-lantegi bat eskainiko du gaur lehenengo aldiz Gasteizen. Hitzordua 18:00etan izango da, Euskal Herriko Unibertsitateko Arabako campuseko Unibertsitateko Pabilioian

Ekimenaren sustatzaileek adierazi dutenez, unibertsitate komunitatearentzat ez ezik, publiko orokorrarentzat ere irekita egongo da lantegia, eta, ondorioz, "aukera paregabea eskainiko die dantza tradizionalak ikasi nahi dituzten guztiei, Aiko taldearen metodo naturalagoa, lasaiagoa eta jostagarriagoa froga dezaten, dantzan ikasteko beste era bat".