Bilbobusen linea batzuek ordutegia luzatuko dute gaur, Athletic-Atletico Madril partida dela eta

Bilboko Udalak Bilbobuseko zenbait linearen zerbitzua luzatuko du gaur, Athleticek eta Atletico Madrilek San Mamesen iluntzeko 20:00etan jokatuko duten Kopako partida ikustera doazenei etxera itzultzeko modua errazteko.

Zehazki, Bilboko Udalak jakinarazi duenez, 26. linearen (Uribarri/San Mames), 38. linearen (Otxarkoaga/Basurtu-Termibus), 56. linearen (La Peña-Jesusen Bihotza), 62. linearen (Arabella/San Mamés) eta 80. linearen (Altamira-Termibus) ordutegiak luzatuko dira. Partidan luzapena egonez gero, irteerak 10 eta 20 minutu geroago izango dira norgehiagoka amaitu bezain laster, 80. linean izan ezik, 10 minutu geroago egingo baitu irteera.