Zoriontasunaren Nazioarteko Eguna: zergatik ospatzen da martxoaren 20an?

Zoriontasunaren Nazioarteko Eguna martxoaren 20an ospatzen da, larunbat honetan alegia. Egun hori sinbolikoa da eta Nazio Batuen Erakundeak aldarrikatzen du. Zein da bere asmoa? Zoriontasunak gizaki guztien garapenean eta ongizatean duen garrantziaz gogoraraztea.

Zoriontasunaren Nazioarteko Egunaren jatorria istorio polit bat da, Butango Erresuma txikitik datorrena. Butan Asia hegoaldeko herrialde bat da, Himalaia mendikatean kokatuta dagoena. Hark proposatu zion egun zehatz hori Nazio Batuen Erakundeari. Kontua da Butango erregeak duela 40 urte baino gehiago, eta 16 urte besterik ez zituenean, bere gobernuaren filosofia bere mendekoen zorionean oinarritzea erabaki zuela. Horretarako, Zoriontasun Nazional Gordinaren (ZNG) kontzeptua asmatu zuen, Barne Produktu Gordinaren (BPG) ordez. Ez al da ideia bikaina?

Bada, gaur egun, barne-produktu gordinaren osagarri gisa nazioartean erabiltzen den bizi-mailaren adierazlea da ZNG. Bederatzi puntu neurtuta kalkulatzen da: ongizate psikologikoa, denboraren erabilera, komunitatearen bizitasuna, kultura, osasuna, hezkuntza, ingurumen-aniztasuna, bizi-maila eta Gobernua.

Nazio Batuek bere aldetik, Garapen Iraunkorreko 17 helburuak abiarazi zituen pasa den 2015ean. Zertarako? Pobreziari amaiera emateko, desberdintasuna murrizteko eta gure planeta babesteko. Hiru ideia horiek ongizatea eta zoriontasuna bermatzen laguntzen duten funtsezko hiru alderdi dira.

Utopia bat dirudien arren, zorionaren eguna posible da. Larunbat honetan denok pentsa dezakegu zoriontasuna eskubide unibertsala dela, eta ez kimera soila, lortzeko zaila dena.