https://static.elcorreo.com/www/menu/img/zurekin-desktop.jpg

'Mutil ikusezina' Euskalduna Jauregiko eszenatokira igoko da

'Mutil ikusezina' Euskalduna Jauregiko eszenatokira igoko da
E. C.

Hilaren 28 eta 29an Dakris magoak 'Ez nauzu ikusten' izeneko ikuskizuna eskainiko du

IZASKUN MOYANO

Bere ezizena aintzat hartuta ezin da ziurtatu bizkaitarrek bera ikusteko abagunea izango dutenik. Dena den, Euskalduna Jauregiak baieztatu duen bezala, Dakris mago handiak eszenatokia zapaldu egin du behintzat 'Ez nauzu ikusten' izeneko ikuskizuna hiriburuan aurkeztera baitator. 'Mutil ikusezina' bezala ezagutarazi den gazteak publikoa aho bete hortz utziko duten trikimailu harrigarriak burutuko ditu.

Bartzelona eta Madril bezalako hirietan izandako arrakastaren ostean Bilbora dator Dakris, zer esan handia ematen ari den mago gaztea. Bere emanaldian magia, umorea eta ezinezkoak diruditen baina posible diren efektuak izango dira nagusi. Primerako arratsaldea igarotzeko 'cocktail' perfektua.

'Mutil ikusezina' izenorde gisa duen artistak Nazioko Mago onenaren saria eskuratu du. TVE 1ean agertzearren egin zen ezagun, Pop Magoak Discovery Channelen zuen saioan parte hartu ostean. Han, David Bustamante, Ricky Rubio, Alaska eta Mario, Sergio Dalma edota Alejo Sauras bezalako artistei magiazko trikimailuak burutu izan die.

Bere ikuskizunak 'Ez nauzu ikusten' du izena, bere goitizenarekin bat. Oraingo honetan, ikusezina den gazte baten istorioa kontatzen du. Bidaia osoan zehar teknika zaindu eta magia izugarriak ikusi ezin dena ere ikusteko aukera emango dio ikusleari. «Ikusezina dena ez delako ikusten soilik existitzen da», adierazten du harro Dakrisek.

Sarrerak txarteldegian edota Kutxabankeko kutxazainetan eskura daitezke 22 euroren truke. Gainera, familian joan ezkero, 72 euroko plana hartu daiteke.

Contenido Patrocinado

Fotos

Vídeos