Kelmene Abaituak irabazi du Bizkaiko Eskolartekoa
Bizkaiko idatzizko eta bat-bateko txapelketak jokatu ziren larunbatean Arrigorriagan; 200 gaztetik gora elkartu dira
Bizkaiko eskolarteko bat-bateko finala larunbat goizean jokatu zen Arrigorriagako eskolan eta Kelmene Abaitua izan da aurtengo garailea. Aurten 18 parte hartzaile egon dira bat-bateko txapelketan eta hiru kanporaketa jokatu dira. Horietatik zortzi heldu dira, esandako moduan, 11.30ean hasitako finalera: Aiala Irurtia Montero (Arantzazu), Eider Fernandez Aranburu (Bermeo), Ekhi Zuluaga Intxaurbe (Igorre), Enara Gallastegi Barrenetxea (Dima), Garazi Uriarte Alonso (Berriz), Iradi Barrenetxea (Artea), Kelmene Abaitua Isazelaia (Berriz) eta Naroa Iturrioz Lauzirika (Zornotza).
Zortziko handian eta txikian ofiziotan egin zuten parte-hartzaileek eta, ondoren, bakarka gaiari erantzun. Ariketa horiek egin ostean, Ekhi Zuluaga eta Kelmene Abaitua izan ziren puntu gehien batu zituzten bi bertsolariak eta, beraz, buruz-burukora sailkatu ziren. Puntuari erantzun eta gai bati bertso bana bota behar izan zuten atal honetan. Hala, buruz burukoa jokatu ostean, Abaituak batu zituen puntu gehien, 2024ko Bizkaiko eskolarteko txapela lortuz. Txapela Oihana Bartra Arenas bertsolariak ipini zion txapeldunari.
Noticia relacionada
Busturialdeko 'LauBuru' taldea izan da Taldekoaren irabazlea
Buruz burukoa jokatu zuten bertsolari biak, ekainaren15ean Arantzan jokatuko den Euskal Herriko Eskolarteko finalera sailkatu dira.
Idatzizko txapelketa
Aurretik, goizeko 10.00etan 200 parte hartzaile batu ziren idatzizko finala jokatzeko. LH5etik batxilergora arte, mailaka jokatzen da idatzizkoa eta, aurretik, ikastetxe eta herrietan egin zituzten aurrekanporaketak.
Hona hemen idatzizko sariketako saridunak. LH 5, 1. Saria: Laia Azkona Intxausti. Muskizko ikastola. Muskiz; 2. Saria: Urko Ibañez Terreros. Eduardo Eskartzaga. Gordexola; 3. Saria: Markel Marcos Ros. Betiko Ikastola. Leioa.
LH 6, 1. Saria: Araitz Elortza Gastañazatorre. Maiztegi ikastetxea. Iurreta 2. Saria: June Gondra Bilbao. Eleizalde ikastola. Bermeo; 3. Saria: Amaia Atxalandabaso. Legarda eskola. Mungia.
DBH1, 1. Saria: Jare Baliño Campelo. Solokoetxe BHI. Bilbo; 2. Saria: Maia Etxabe Goikoetxea. Txorierri BHI. Derio; 3. Saria: Maddi Vilela Mujika. Andra Mari Ikastola. Zornotza.
DBH2, 1. Saria: Malen Ibarzabal Gerrikagoitia. Markina BHI. Ziortza-Bolibar; 2. Saria: Ekain Menika Iruarrizaga. Arratia BHI. Arantzazu; 3. Saria: Amaiur Betanzos Caminos. Urretxindorra ikastola. Bilbo
DBH3-DBH4-Batxilergoa, 1. Saria: Joseba De Rueda Berazaluze. Juan Orobiogoitia. Iurreta; 2. Saria: Libe Arauzo Bilbao. Arratia BHI. Igorre. 3. Saria: Beñat Enbeita Basterra. Seber Altube. Gernika-Lumo
Halaber, egunak taldekako finalaurrekoekin eta finalarekin jarraitu zuen.
