Gai-jartzaileak trebatu eta haien zerrenda handitu nahi du Bertsozale Elkarteak

Bertsolaritzan, bertsolariak ez ezik, gai-jartzaileak ere oso garrantzitsuak dira, eta horregatik dago bertso-saio guztietan gai-jartzailearen figura. Bada Bertsozale Elkarteak gai-jartzaileak trebatu eta haien zerrenda handitu nahi du. Dagoeneko prestakuntza-saioak ere prestatzen ditu, hala nola, otsailean, Villabonan egin zuen gai-jartzaileentzako ikastaroa.

Oraingoan, gai-jartzaileen zerrendan sartzeko, galdetegi bat prestatu du, antolatzen dituen bertsio-saioetan parte hartu nahi duenak, edo gai-jartzaile gisa aritu nahi duenak, bete dezan. Galdetegia hemen eskura daiteke, eta gehiegi ez luzatzeko, hil honetan bertan betetzea eskatu dute.

Gai-jartzaileena ez da gaur egungo kontua, izan ere, 'Gai-jartzailearen eskuliburuan' diotenez, Aitzol izeneko gizon bat izan zen lehen gai-jartzaileetako bat 1935. urtean. Orduan, gai-jartzaileak gaur egun bezala jokatzen zuen, hots, gaia aldez aurretik pentsatu, landu eta jendaurrean aurkezten zien bertsolariei. Baina bazegoen desberdintasun bat, izan ere, bertsolaria izan behar zuen gai-jartzaileak; gaur egun, berriz, ez.

Denbora aurrera joan ahala gai-jartzailearen presentzia areagotu egin da azken hogeita hamar urteetan, eta azken batean, batik bat inprobisazioarekin lotuta dauden haren aurkako eta aldeko iritziak agertu badira ere, ia ezinbesteko bihurtu da azken hogeita hamar urteetan gai-jartzailearen presentzia.

Gai-jartzailearen eginkizunari dagokionez, alde batetik, gaia sortzea izango litzateke, horrek dakarren lanarekin, besteak beste, saioa antolatzearena. Bestetik, bertsolariaren eta entzulearen arteko lokailua izatea.