DeWolff taldeak 'Roux-Ga-Roux' disko berria aurkeztuko du Kafe Antzokian

DeWolff talde holandarrak kontzertu bat eskainiko du ostegun honetan Bilboko Kafe Antzokiko goiko aretoan, Kutxa Beltza egitasmoaren baitan. Emanaldia 20.30ean hasiko da eta 'Roux-Ga-Roux' disko berria aurkezteko balioko du, aretoko arduradunek jakinarazi dutenez.

DeWolff «etengabeko bilakaeran» dabilen taldea da. 2007an, nerabeak baino ez zirela, Holandako musika kritikari asko txundituta utzi zituzten beren erraztasun eta talentuari esker.

Gaur egun, bizi eta musika heldutasunera helduta, Utrecht hiriko bandak «horizonte berriak esploratzen jarraitzen du». 'Roux-Ga-Roux' da taldearen disko berria, «rock, soul, funk eta psikodelia, izugarri sexya, eta teknika eta konposizio kalitate itzela».