Zaleak Lakers taldeaz nekatu dira, LeBron bere jarraitzaileez nekatu den bezala

Showtime-a drama bat da gaur. LeBron James, Anthony Davis eta Russell Westbrooken supertaldea karikatura bat besterik ez da. Jakina zen ez duela kantxan funtzionatzen, eta hori liga irabazteko faboritoak zirela. Dena den, okerrena da egun harmailetan ere ez duela indarrik, eta hori barkaezina da Los Angelesen, ikuskizunaren hirian.

Lakersek galdu egin dezakete, bere historian ohikoa ez bada ere. Play offetatik kanpo gera daitezke eta beste porrot bati aurre egin. Ezin dena izan, zuzendariek ezin dute onartu, frankizia hondoratuko lukeelako, jokalariak harmailei aurre egiten hastea da. Publikoa da espektakuluaren benetako jainkoa eta hori ondo dakite zinemaren hirian, Hollywoodetik oso urbil.

Baina 2022an ezer ez da iraganean zen bezala, eta LeBron erregeak, mende honetako eta agian historiako jokalaririk garrantzitsuenak, pandora kaxa ireki du. - Itxi ahoa! -oihu egin zien zaleei, baloi bat galdu ondoren txistuka ari zitzaizkiola.

Azken 13 partidetatik 9tan huts egin duten Lakersek sekulako porrota jaso berri dute Pelicansen aurka. Partidan, Jamesek eta Westbrookek 14 baloi galdu zituzten. Zazpi bakoitzak. Gehiegikeria hutsa. Publikoak ez du gehiago jasaten eta okerrena da taldeko izarrei gauza bera gertatzen zaiela. Westbrookek laburbildu zuen: «Txistu egiteak ez nau kezkatzen. Berdin zait. Nire jokoa gustatzen ez zaion horrek ipurdia pabiloitik kanpora eraman besterik ez du behar. Etxera».

Beroaldia igarota, biak adiskidetzaileago agertu ziren, berriz ere zuzenketa-asmoa promestuz eta taldearen egoerari buelta eman dakiokeela gogoratuz.«Ez dut beste inorengatik hitz egin nahi -jaraitu zuen Westbrookek- baina uste dut jendetzak gaur txistu egin izanak ere eragina izan dezakeela. Asko da galtzera ohituta ez dagoen talde batentzat. Positiboa izango naiz eta taldekideak animatzen jarraituko dut, gure aldagelan konfiantza sortzen jarraituko dut, gertatzen ari dena gertatzen dela ere».

Frank Vogelek zuzentzen duen taldea 27 partida irabazita eta 33 galdutako balantzeara erori da. Play-In errondara ez da iristen, 2.5 partidutara du orain.

«Une honetan, egin dezakegun bakarra zera da: nola izan gaitezke hobeak pentsatzea», esan zuen LeBron Jamesek berehalako erronketan zentratuz, «Playoffs edo Play-Insetan pentsatu beharrean hobe aurretik dugunera begiratzea. Tarte zaila izan genuen Dallasekin, Clippersekin berriro ostegunean, gero Warriorsekin larunbatean. Eta oraindik hamar partida ditugu martxoan etxetik kanpo, beraz, ez da errazagoa izango».

Temas

• Euskera
• Harmailatik (Sergio Eguia)