Tatumek Larry Bird berdindu du (edo agian ez)

Titularren erritmoan taupadaka dabilen kirolean, errekorrak albisteak bezain iragankorrak izaten dira, liga desberdinak saltzeko baino balio ez dutenak. Kasu honetan, saskibaloi amerikarra, NBA.

Errekorra hau da: Jayson Tatumek 50 puntu baino gehiago lortu ditu partida batean (54, sailkapenean hondoratzen ari diren Netseko jokalariak irabazteko), eta laugarren aldia da hori egiten duela (Larry Birdek bere ibilbide osoan lortu dituen berberak). Eta albiste garrantzitsua balitz bezala saldu nahi dute hau NBAko arduradunek.

Zentzugabekeria bat da, egia esan. Jayson Tatum jokalari bikaina da. Hori ezin da ukatu, baina litekeena da Larry Birden zapata zolara inoiz ez iristea. Birdek hiru txapelketa irabazi zituen hirustaren elastikoa jantzi zuen 13 denboraldietan. Hiru aldiz ligaren MVP atetara ere. Finaletako MVP bi aldiz. Mito bat da. Historiako hegaleko onena, askorentzat, eta NBAko salbatzailea negozio gisa, Magic Johnsonekin batera, 80ko hamarkadan.

Tatumek, Bird bezala hegal moduan jokatzen du (altuera bera ere badu 206 zm), baina oraindik ez du ezer irabazi. Jokalari aparta da zalantzarik gabe, baina saskiratzea erraz egin dezakeela erakusteaz gain, bere taldeari irabaztera eramateko gai dela baieztatzea falta zaio. Hori Birdek zeukan. Haren presentzia arrakasta bermatzen zuen. Azken odol tantaraino borroka emango zela argi zegoen. Tatum oso gaztea da horretarako. San Louisekoak 24 urte ditu oraindik.

Eta adina da seguruenik bere alde jokatzen duena. Askok uste dute 50 punto baino gehiago dituen laugarren partidua hain goiz lortzeak etorkizuneko arrakasten seinale dela. Birdek 11 denboraldi behar izan zituen gauza bera egiteko. Frankiziaren historia loriatsuan lortu duten bakarrak dira bi hauek. Gainera, Jaysonek beste bi partida ditu 50 puntu zehatzekin. Amerikarren gauzak, errekorra 50 baino gehiago sartzeagatik da. 50 zehatz badira…. putz.

Tatumek, iaz, Spursen aurka egin zuen bere partidarik onena: 60 puntu. Aste honetakoa, Netsen aurkakoa, 54, bigarren onena da. Wolvesei 53 egin zizkien 2021eko apirilean. Wizardsi 51, iaz ere bai. Eta gero 50eko biak. Nets taldearen aurka play offetan (hori garrantzitsua da oso) eta Warriorsen kontra.

Eta 24 urterekin bakarrik. Larry Birdek, 24 urterekin, denboraldi bakarra zeraman NBAn. Urteko rookie izan zen, Magicek finaletako MVP irabazi zuen urte berean, Abdul Jabbar lesionatuaren postuan, pibot bezala, 42 puntuko partida ahaztezina jokatu ondoren.

Temas

• Euskera
• Harmailatik (Sergio Eguia)