Houston Rockets, urteko ustekabea NBAn

Houston Rockets taldeak ezustean harrapatu ditu NBAko zale eta adituak denboraldi honetan. Azken urteetan sailkapenaren beheko postuetan ibili ondoren, aurten maila bikaina erakutsi dute, eta azken jardunaldietan play-offetarako txartela lortu dute, inork espero ez zuenean. Bigarrenak dira Mendebaldean! Taldearen aldaketa nabarmena izan da, joko dinamikoagoa, defentsa sendoagoa eta talde-lana oinarri hartuta.

Jalen Green izan da taldeko izarra, 22 puntu baino gehiago lortuz partidako batez beste. Bere abiadura eta saskiratzeko gaitasuna ezinbestekoak izan dira Rocketsek lortutako garaipenetan. Alperen Şengün turkiarra ere nabarmendu da, 18 puntu eta 9 errebote inguruko batez bestekoekin, eta joko-antolatzaile lanetan trebetasun handia erakutsi du barruko jokalari izanik. Bigarren denboraldian, defentsan eta hiruko jaurtiketan, Jabari Smith Jr.-en ekarpena funtsezkoa izan da.

Ime Udoka entrenatzailearen lana ezin da aipatu gabe utzi. Aurten Houstonen aulkira iritsi da, eta bere esperientzia eta diziplina nabarmenak izan dira taldearen bilakaeran. Taldea gaztea eta eskarmenturik gabea den arren, Udokak konfiantza eman die jokalariei eta egitura taktiko sendoa ezarri du.

Jende askok ez du gogoratuko, baina Udoka Celticseko entrenatzailea izan zen 2021 eta 2023 urteen artean. Berak sortu zuen gaur egun Bostonek duen talde aparta. Berak aldatu zuen dena TD Garden taldera iaz eraztuna lortzeko eta aurten ere faborito nagusietako bat izateko.

• Temas
• Euskera
• NBA
• Harmailatik (Sergio Eguia)