https://static.elcorreo.com/www/menu/img/zurekin-desktop.jpg

Michael Fraynen 'Copenhague' antzezlana, ostiralean, Gasteizko Principal antzokian

Antzezlanaren protagonistak./EuskalOcio
Antzezlanaren protagonistak. / EuskalOcio

Claudio Tolcachir aktore eta zuzendari argentinarrak eraman du lana antzeztokira

PAUL PICADO

Michael Frayn idazle eta antzerkigile britainiarraren 'Copenhague' izeneko antzezlana izango da, ostiralean, Gasteizko Principal antzokian. Berez, azken sarietan gehien antzeztutako eta saritutako obretako bat da. Claudio Tolcachir aktore eta zuzendari argentinarrak eraman du antzeztokira, eta aktoreen artean Emilio Gutiérrez Caba, Carlos Hipólito eta Malena Gutierrez daude. Bi emanaldi izango dira, bat ostiralean, eta bestea larunbatean, eta 20:30ean hasiko da kasu bietan. Sarrerak erosi nahi izanez gero, hemen egin daiteke.

Obra honetan, 1941. urtean Danimarkako hiriburuan Niels Bohr zientzialari handiaren (Emilio Gutiérrez Caba) eta Werner Heisenberg (Carlos Hipólito) bere ikasle ohiaren arteko topaketa kontatzen da. Garai hartan armada naziak nagusi ziren Kopenhagen, eta Heisenberg estamentu nazien ordezkaria zen. Topaketa horretan, arazo etiko bati egin behar diote aurre, fisika teorikoaren aurrerapenak erabiltzearen egokitasunari buruz hitz egiten dutelako. Azken finean, gatazka armatuan arma nuklearrak garatzeko erabiliko dira aurrerapen horiek.

Claudio Tolcachir zuzendariak hogeita hamar obra baino gehiagotan parte hartu du aktore gisa eta 1998. urtean Timbre 4 izeneko konpainia sortu zuen bere taldearekin. Konpainia horrekin zenbait ikuskizun prestatu ditu, hala nola 'Chau Misterix', 'Euridice' eta 'Jamón del diablo'. Berak ere zenbait obra egin ditu, esaterako, 'La omisión de la familia Coleman', 'Tercer cuerpo', 'El viento en un violín', 'Emilia' eta 'Dínamo y Próximo'.

Bere lanengatik zenbait sari ere jaso ditu, besteak beste, ACE, Clarín, María Guerrero, Teatros del Mundo, Teatro XXI, Ercilla eta Ciudad de Palencia. Hogei bat herrialde baino gehiagotan antzeztu dira eta sei hizkuntzetara itzuli dira.