Magicek LeBron zenbakirik gabe utzi nahi du

Bill Russell hil da. 88 urte zituen. Uztailaren 31n izan zen. San Inazio. NBAk negar egiten du oraindik. Ez da gutxiagorako. Berdin da NBatik at ia lau hamarkada badarama.

Bill Russellek 1969an utzi zion jokatzeari hamaika txapelketa irabazi eta gero. Hamaika, bai. Saskibaloiko jokalaririk sarituena da. Gero entrenatzailea ere izan zen. Jokatzeari utzi bezain laster, Celticseko entrenatzaile bihurtu zen Red Auerbach legenda baten ordezko gisa.

Gero Seattleko Supersonics (gaur egun, Oklahoma Thunders) eta Sakramento Kingsen aulkietan ere eseri zen. 1988 urtetik kantxetatik eta hedabideetatik urrun zegoen. Media ezin zuen jazan nahiz eta bere bizitza guztian aktibista ospetsua izan zen.

NBAko figura nagusia izaten jarraitu zuen beti. Izan ere, Rusell iritsi arte, grazia handirik ez zuen jolas baten inguruan eraiki den eraikin ikusgarriaren giltzarria da Celtiskeo pibot mitikoa. Harekin, dena dimentsio berri bat hartu zuen. Bi xehetasunek erakusten dute nolakoa zen eta nola aldatu zituen dinamikak kirolaz haratago.

Lehenengoa, Celticsekin jokatzeari uko egitea draftean aukeratu eta berehala. Profesional egiten bazen, ezingo zen Melbourne 56ko jokoetara joan.

Bigarrena, soldata egokia hitzartu arte profesionalengana pasatzeari uko egitea. 25.000 dolar eskatzen zituen. Gutxi dirudi gaur, baina 1950eko hamarkada zen, Bill (inor konturatu baldin ez bada) beltza da eta Estatu Batuak, oso arrazistak. Eta agian garrantzitsuena, orduan inork ez zuen 5.000 edo 6.000 dolar baino gehiago kobratzen saskibaloian jokatzeagatik.

Draft horretako tranpak jada jakinak dira kontatzeko, ezta?

Funtsean, Celticsek konbentzitu (presionatu) egin zuen bere lehen aukera Russellen alde egin ez zezan. Gainera, zerrendako bigarren kluba ere konbentzitu (erosi) zuten Bostonekoek Russellen aldeko apustua egin zezaten eta gau hartan bertan eurei saltzeko.

Bill Russellekin, eskubide zibilen ekintzaile garrantzitsu batekin, zerikusia duen guztia filmekoa bezalakoa da. Talde bateko lehen entrenatzaile beltza ere izan zen.

Beraz, ez da harritzekoa Magic Johnsonek orain iradokitako ideia. Ligako talde guztietan Russellek bere ibilbidean jantzi zuen 6 zenbakia betiko erretiratzea proposatu du Langsingeko antolatzaileak.

Zein da arazoa eta zerk ematen dio mina ideiari? 6a LeBron Jamesek bere kamisetan duen zenbakia dela. Tontakeria da, bai, baina uda berotsu honetan polemikak edonon sortzen dira. Normala, agian, Russellek komunikabideak gorrotatzea.

NBAk eta LeBronek ez diote oraindik erantzun Magicen ideiari.

Temas

• Euskera
• Harmailatik (Sergio Eguia)