Magiaren Topaketak izango ditugu berriz Otxarkoaga-Txurdinaga barrutian

Ostegun honetan Magiaren Topaketak jaialdiaren beste edizio bat izango dugu Otxarkoaga-Txurdinaga barrutian. Aurtengoa hamaseigarrena izango da, eta guztira, hamahiru jarduera izango dira urriaren 30era arte, besteak beste, magia saioak, hitzaldiak, erakusketak eta galak. Jarduera horiek Otxarkoagako Ugarte plazan eta Udaltegian, eta Txurdinagako Garai Lorategietan izango dira. Bestalde, emanaldi guztiak doan izango dira, leku guztiak bete arte.

Parte hartuko duten mago ezagunen artean ditugu Jean Philippe Atchoum (urriaren 17an, Garai Lorategietan, 13.00etan), Los Taps (urriaren 22an, Otxarkoagako udaltegian, 19.30ean), Sun Magoa (urriaren 18an, Garai Lorategietan, 13.00etan) eta Tor Magoa (urriaren 7an, Otxarkoagako udaltegian, 18.00etan).

Bertako gainerako magoei dagokienez, Marsel eta Eriz Magoa urriaren 21ean izango dira, Otxarkoagako udaltegian, 19.30ean; D´Albeniz magoa urriaren 16an, Garai Lorategietan, 18.00etan, eta Eriz Magoa, bakarrik, urriaren 17an, Garai Lorategietan, 18.00etan.

Bestalde, urriaren 1etik 30era 'Magia zazpigarren artean' izeneko erakusketa izango da Otxarkoagako barrutiko udaltegian. Erakusketa euskaraz, gaztelaniaz eta ingelesez izango da, eta interaktiboa izango da, QR kodearen bidez ikusteko lamina, argazki eta antzinako kartelen bidez.

Gala eta hitzaldiei dagokienez, hiru gala izango dira, urriaren 3, 23 eta 30ean. Lehen galan, ilusionismoaren artearen hautatutako zenbait diziplina ikusgai izango dira, Bizkaiko, Gipuzkoako eta Arabako artistekin. Bigarrenean, Amélie eta Martilda magoak izango dira protagonistak, Los Taps bikotearekin batera. Azken galan, 'Atera ezazu barruan daramazun magia' lehiaketa amateurraren sei edizioetan saritutako saioez gozatzeko aukera izango da.