Taldekide toxikoa al da Kyrie Irving?

Inork ez du baloia menderatzen Kyrie Irvingek bezala. Netseko antolatzailea gai da edozein defentsari korapilo bat egiteko bere botearen kontrolarekin. Batzuek uste dute abilezia horren arrazoia bere nortasuna kaotikoa dela. Irving jenioa da eta jenio guztiak bezala, ulertezina. Kantxan eskaintzen dituen ikuskizunak ezinhobeak dira, baina bulegoetan zaila da. Gainera, NBAko jokalarien sindikatuko presidenteordea izanda, bere adierazpenek jende askori eragiten diote.

Horrelakoa da Kyrie Irving profesionala. Ez du zerikusirik kantxetatik kanpo erakuste duen jarrerarekin. Inork ezin izango du horren iguruan hitz txarrik esan: eskubide sozialen aldeko Irving aktibista, solidarioa, kontsekuentea. Diotenez, Irvingek George Floyden familiari etxe bat ordaindu dio, hots, udaberrian 'Black Lives Matter' mugimendua eragin zuen poliziaren eskuetan eraila izan zen biktimaren familiari.

Baina hemen saskibaloiaz hitz egiten dugu eta arlo horretan Irvingena kezkagarria da. LeBronen Cavaliersetan hasi zen hondamendia. Ezin izan zituen bere txorakeriak justifikatu Tatum eta Brownen Celtics taldean erakutsitako mailarekin, eta orain erretratatu da Durantek eta Hardenek berari buruz erakutsi duten iritsiarekin.

Amaieratik hasiko gara. Asteak dira Brooklynekoekin entrenatu eta jolastu ez duela. 'Arrazoi pertsonalak 'alegatzen ditu. Bitartean, Coviden aurkako protokoloak hautsi ditu. Iaz ia ez zuen jokatu, sorbaldan arazo bat izan ostean. Hori bai, polemika handia sortu zuen Orlandoko burbuila boikotatzeko. Orduan adierazi zuenez, NBAko txapelketari berrekiteko ekitaldia ospatuko zen Orlandoko Walt Disney World Resort 'burbuila' horretara ez zen inolaz ere joango, lesionatuta baitzegoen. Halaber, patronalarekin izandako negoziazioetan bilera bat monopolizatu zuen, kontzentrazio-hoteleko saunara joan ote zitekeen jakiteko. Erokeria bat.

Horregatik zabaldu zen taldekide toxikoa zelaren zurrumurrua; inbidiak zituela, arreta gunea izan behar zuela, izar bakarrean bilakatzeko nahia. Horrek azalduko luke, neurri batean, NBAko 'Big Three' indartsuena den Durantekin eta Hardenekin uztartzeari uko egin izana.

Bi astebete behar izan ditu Kyriek entrenamenduetara itzultzeko. Aurreko asteazkenenan izan zen hori. Hau izan zen berak emandako azalpen: «Neure gain hartzen dut nire ekintzen erantzukizun osoa. Itzuli naiz eta pozik nago horregatik. Oso jokalari onak lortu ditugu eta aurrera jarraitzen dugu. Nire ekintzek eta jokoak beren kabuz hitz egin dezaten utziko dut, egin nahi nuen bezala. Etenaldi bat behar nuen».

Bostonen 'Jay'ekin talka handia izan zuen. Jayson Tatum eta Jayleen Brown gazteak dira oraindik. Urrats erraldoiekin hazten diren horietakoak. Batez ere Tatum, garai guztietako onenen artean bukatuko duena. Irving gazteekin sartzen zen gauzak ez zirelako Bostonen ateratzen. Agian ez zuten egingo, berak ez zuelako maila ematen. Baina hori ez du inoiz onartuko.

Oraindik argitu ez den arazoa Cavs-en sortu zen. Clevelandgo taldeak 2011ko draftean aukeratu zuen, bat zenbakiarekin, noski. Urteko Rookie izan zen. Ospeak laster besarkatu zuen, Nikek zapatila lerro bat eman zion eta Ohiokoek errege izendatu zuten, LeBron Miamin tituluak irabazten zebilela.

Baina LeBron etxera itzuli zen eta bere tronua eskatu zuen eraztun irrikatua Warriors trataezinen kontra lortu eta gero. Egia da hori ere lortu zuela Irvingen puntuekin. Dena den aintza seme progidoarentzat izan zen eta izango da beti. Australian jaiotako joko-antolatzaileari bigarren mailako rolak hainbeste enbarazu egin zion, oraindik kontratua zuen taldetik alde egin baitzuen. Onartu ere egin zuen arazoa: «LeBron ez zegoen urteetan, Cavs taldeko izar nagusia nintzen, eta atsegin nuen sentsazio hori». Apaltasun gehiagorik gabe, baliteke handitasuna inoiz ez berreskuratzea.