Intimitatea galdu futbolera joateko?

Eta zuk zer egingo zenuke futbolera bueltatzeko? Premier League pasaporte klinikoak erabiltzeko aukera aztertzen ari da etorkizunean zaleak estadioetara itzuli ahal izateko Erresuma Batuan. Espainian, egun, inork ez daki irailean publikorik izango ote den harmailetan. Ezta beste inon ere ez. Estatu Batuetan, adibidez, NBA zalerik gabe jarri da lanean. Urriaren 13an bukatuko da lehiaketa eta ez zaio inori sartzen utziko.

Londresen, ordea, jendea nahi dute estadioetan. Hala adierazi zuen Richard Masters lehiaketaren presidenteak The Times egunkarian argitaratutako gutun batean. App baten bidez egin nahi du pasaporte klinikoaren kontu hori. Bai, Madrilen erkidegoko presidenta iragarri zuena bezalakoa da. Bai, atzera bota duten sistema berdina...

Ingelesen ideia topaketetan parte hartzen dutenek jaitsi beharko luketen aplikazio bat izango litzateke, eta koronabirusaren sintomak eta beste faktore batzuk arakatuko lituzke. «Futbolari laguntzeko prest gaude, egin daitezkeen proben bidez, teknologian inbertituz eta arriskua murrizteko eta zaleak ahalik eta zelaietara itzultzeko irtenbide onenetan inbertituz», esan du Mastersek.

«Testek eta miaketek berebiziko laguntza emango dute itzultzeko. Partida egunetarako aukera guztiak aztertzen ari gara, sarrerekin zer egin, jendea estadioetan nola kokatu, zelaira iristeko ordutegi ezberdinak, tenperatura kontrolak eta janaria eta edaria zuzenean eserlekura eramatea», gaineratu du Mastersek.

Premier Leagueko hurrengo denboraldia irailaren 12an hasiko da, behin-behinean ateak itxita. Boris Johnsonen Gobernuak uste du zaleak urrirako itzuliko direla harmailetara, baina oraindik ez dago horren inguruko ziurtasunik. Espainian jokatu beharreko lehenengo lehiaketa saskibaloizko SuperKopa izango da seguruenik. Tenerifen egingo da iralilaren 12 eta 13an. Kabildoaren gobernuak esan duenez, aforoaren %50 beteko da La Lagunako Santiago Martín aretoan.