Ikusezinen mendekua

Aste bat pasa da jada, LIV Superbowla jokatu zenetik. Egun, edonork daki Patrick Mahomes II football planetako errege berria dela. Texaseko gazteak sekulako quarterbacka da, egia esan. Baina horretaz gero idatziko dugu, baita berak egindako trikimailuez ere.

Aurretik, goiko argazkian ateratzen den mutilari buruz hitz egin behar da. Aurpegirik ez duena, bai. Eta hori da gakoa. Morrozkoa Rashard Fenton deitzen da. Eta, nola ez, burua eta aurpegi ederrak ditu. Baina footballeko jokalaria izan ez balitz inork ez zituen inoiz ikusiko. Zergatik? Miami Gardenseko nerabe beltz txiroa delako. Pobrea zelako, hobeto esanda. Iaz Chiefsekin bi milioi dolarreko kontratua sinatu zuen zituen beltz txiroa, hain zuzen.

Amerikan izugarri gozatzen dituzten gainditze istorio bat da hau. Fenton Miamin jaio eta hasi zen, Miami Gardens auzoan. Hard Rock Stadiumetik lau etxadietara. Umetatik ibili zen estadioan gora eta bera, Superbowleko egunean egin zuen moduan.

Oso goiz agertu zen harmailetatik. Ordu kontaezinak bota zituen eskaileretan gora eta bera hot-dogak saltzen. Dirua behar zuten etxean, argi dago. Izan ere, Miami Gardenseko lau familietatik bat gizarte-bazterketa arriskuan bizi da. Eta eskolan zuen entrenatzaileak asteburuetan jokalariak lanera bidaltzen zituen.

Fenton, footballa maite zuenez, Miami Dolphinseko jokalekuan eskatu zuen lana, bide batez partiduak ere ikusteko. Sarrera ordaintzerik ez zegoen. «Eta zorte pixka bat izan ez banu hemen jarraituko nuke», onartu zuen kirolariak Vince Lombardi trofeoa irabazi eta gero.

Oso ezberdina da, baina aldarrikapen puntu bat era badu Patrick Mahomesen istorioa. Askok ikusi nahi ez badute ere, Mahomes gizon beltza da. Aita, Pat Mahomes, beisball jokalaria. Ama, Randi Martin, zuria. Eta biak, ama eta semea jainkozale amorratuak.

Hor dago koska. Mahomes, beisboleko jokalari profesional baten eta Texaseko elizkoi emakume baten semea da. Patek 11 urte zituenean dibortziatu ziren eta urte horietan bere kiroleko idoloa bihurtu zen eskolan. Bai footballean nola beisbolean.

Izatez, bi kiroletan profesional izateko aukera izan zuen. Bi jardueratako draftetan aukeratu zuten. Argi dago, beraz, Mahomes American Dream dioten horren pertsonifikazioa dela.

Hala ere, nahiko ikusezin suertatu den xelebrekeria erabili du Mahomesek NFLko txapeldun izateko. Kide duen Travis Kelceren laguntzarekin, alegia. Bien artean, momentu nahasienean aurkitu dute irteera bikaina. Seguruenik Andy Reid entrenatzaileak izango zuen ideia. Eta jenialtasuna da. Hiru aldiz erabili zuten. Hiru partidatan jarraian.

Estrategiak touchdownean bukatu zuen hiruretan, ikusezinak izango balira bezala. Texans, Titans eta 49ersen aurka, hain zuzen ere. Ekintza erraza eta defendatzeko oso zaila. Jokaldia hau da: Footballean defendatzaileek ia nahi duten guztia egin dezakete pilota begiratzen duten bitartean. Baina pilota bistatik galtzen dutenean edo pilota jokatzeko nahia ez dutenean ezin dute aurkaria ikutu ezta oztopatu ere.

Eta hori erabili izan da Chiefseen estrategia bikaina. Kelcek hain azkar egiten du korrika eta Mahomes hain urrun bota dezake pilota, defendatzaileek askotan nahi gabe falta egiten dutela. Eta araudiaren arabera, falta egiten den lekutik jokatzen da ondorengo jokaldia. Burutapen ezin hobea, ezta? Hau da zalantzarik gabe aurtengo txapelketaren gauzarik aipagarrienetakoa. Estrategia magikoa, alegia.