https://static.elcorreo.com/www/menu/img/zurekin-desktop.jpg

'Handia', 'Converso' eta 'Bi Txirula', Zinemaldia.Cat jaialdian sarituak

Eneko Sagardoy 'Handia' pelikularen protagonista da./E. C.
Eneko Sagardoy 'Handia' pelikularen protagonista da. / E. C.

Euskal filmek Urrezko Txapelak lortu zituzten Gironan antolatutako ekitaldian

ELCORREO.COM

Euskal Herrian pelikula bikainak egiten direla ezaguna da hemen, eta gero nabariagoa da ere gure mugetatik kanpo. Argi eta garbi geratu zen duela gutxi Goyen banaketan, eta baita pasa den asteburuan Gironan banatutako sarietan. 'Handia', 'Converso' eta 'Bi Txirula' euskal filmek Bartzelonako Euskal Etxeak antolatzen duen Zinemaldia.Cat Euskal Zinema Jaialdiaren Urrezko Txapelak jaso dituzte.

Horrela, Jon Garañok eta Aitor Arregik zuzenduriko 'Handia' izan da Fikziozko Lanik Onenaren Urrezko Txapela jaso duena. Filma «desberdintasunaren eta desberdin izatearen esanahiaren goraipen magikoa eta hunkigarria» dela nabarmendu du epaimahaiak.

Dokumental sailean, David Arratibelen 'Converso' lanak irabazi du Urrezko Txapela, «zinema-hizkuntzaren erabileragatik eta kontrako norabidean doan istorioa islatzeagatik: fededun bilakatzen diren pertsonaiak, hain justu kontrakoa gertatzen ari den momento historiko batean».

Azkenik, 'Bi Txirula' Iñigo Garcia Agirrezabalagaren filma izan da Euskarazko Pelikularik Onenaren Azkue Fundazioa-Urrezko Txapela saria jaso duena. Epaimahaiak «proposamenaren xumetasuna» azpimarratu du, eta filmak «galderak sortzen dituen zinema estiloari keinu» egiten diola gaineratu du, «nor dira, nongoak dira edo nora doaz bezalako galderekin hausnarketa bultzatu eta mezu positiboa igortzen duelako: mundo hobe baten posible dela dioen mezua».

Blai Morell kazetariak, Barbara Destefanis BCN Sports Film Festival jaialdiaren ordezkariak, Lluís Marquès aktoreak, Bruna Cusí aktoreak eta Joan Gonzàlez DocsBarcelona jaialdiaren arduradunak osatu dute aurten Zinemaldia.Cat jaialdiaren epaimahaia.

Contenido Patrocinado

Fotos

Vídeos