Chris Paulek begano bihurtu nahi zaitu

Pertsona batzuek emaitza ona eman diena gomendatzen dute. Beste batzuek emaitza ona eman dien horretan inbertitzen dute gomendatu baino lehen. Bakoitzak bere aburua izango du gero horri buruz. Batzuek txalotuko dute dirua arriskatzea sinesten duen zerbaitetan. Beste batzuk esango dute negozio bat dela, fatxada bat. Chris Paul 36 urteko Suns taldeko antolatzailearen kasuan, probek promesetan ezer ilunik ez dagoela pentsarazten dute.

«Hegoaldekoa naiz. 30 urtez barbakoa batera hurbiltzen zen guztia jan dut. Hegoaldean txerriaren edozein pieza jaten dugu. Beganismoaz hitz egiten zidatenean barrea disimulatzen saiatzen nintzen», dio NBAko izarrak. Egun modako antolatzailea da Paul. Beteranoa izan arren. Phoenixekoak iazko finaletara eraman zituen, iragarpen guztien aurka, eta hori oso gauza serioa da.

«Gaur onartu behar dut barazkijale bihurtzeak nire bizitza eta karrera onera aldatu dituela». Paulek haragia jateari utzi zion duela bost urte, eta bere kirol-bizitzaren luzetasunaren sekretua dela dio. «Partida baten osteko susperraldia askoz laburragoa da», dio.

Izan ere, ez da haragia jaten ez duen kirolari ospetsu bakarra. Lewis Hamilton, 7 aldiz 1 Formulako munduko txapelduna, ziur aski begetarianoen artean ezagunena da. Eta benetan beganoa izan gabe, Tom Bradyk, garai guztietako estatubatuar kirolari onena, barazkietan oinarritutako elikadurarekin flirtea ere egiten du. Lehiatzen den hilabeteetan bakarrik jaten du haragia, partidetarako osagarri berezi gisa. Gainerako egunetan, ezer ez.

Eta horiek guztiek beren esperientziaz mirariak esaten dituzten arren, Paul da gaiaz proselitismoa egiten argien hasi dena. Joe Crowder bere taldekidea konbentzitu du jada, eta haurrei hitzaldiak ematen dizkie herrialde osoan zehar. Haurrak beganismora hurbilaraztea da bere batailetako bat. Horretarako, diru asko inbertitzen ari da irabiatuak eta snack beganoak egiten dituzten enpresetan.

Paulen teoria da jendea gaizki elikatzen dela ez duelako elikagai onik eskura. Berak defendatzen du ikastetxeetan edo auzo behartsuenetan janari beganoa prezio merkean jartzen bada, jendeak haragia jateari uztea erabakiko duela askatasunez. Zuk egingo zenuke Paul, Hamilton edo Bradyri ematen dizkien emaitzak ikusita?

Temas

• Euskera
• Harmailatik (Sergio Eguia)