Caris LeVert, Harden Brooklynera heltzearen biktima handiena

Harden Netsetara iritsi zenean, Rocketsetatik irten ondoren, argi zegoen bati baino gehiagori bizitza aldatuko zitzaiola. Hala erem inork ez zuen espero Caris Leverten bizitzarako hain garrantzitsua izango zenik. Ohioko eskoltarentzat 'Bizarraren' transferentzia bonba bat izan da.

Ostiraletik mundu guztiak hitz egiten duen istorioa ezagutzen ez baduzu, laburpen bat egingo dizugu. James Hardenek, NBAko saskiratzaile nagusia hiru aldiz eta ligako MVP birritan, Houstonetik irtetea behartu zuen Lakersen aurka galdu ondoren. Rocketsen taldea bere etxea izan zen 2012tik, baina aldaketa bat nahi zuen txapelketak irabazteko. Nahiz eta urtean 40 milioi baino gehiago irabazi saskibaloian jokatzeagatik, Hardenek gehiago nahi du. Eta azkenean lortu zuen.

Olentzeroren tripa, batzuek fikziozkoa dela diotena, eta errendimendu baxuek denboraldi-aurreaz geroztik ukatzen ari zen transferentzia onartzera behartu zuten Rockets taldea. Prentsaren aurreko tonu igoerei esker, dena azkarrago joan da. Hala ere, ez zegoen sasoiz kanpo, Brooklyngo debutean ikusi ahal izan dugun bezala. 32 puntu, 12 errebote eta 14 asistentziako hiruko bikoitz ikusgarri batekin amaitu zuen bere lehen partida.

Netsetatik, kontuak koadratzeko eta fitxaketa lortzeko, jokalari batzuek alde egin behar izan dute. Horietako bat Caris LeVert da. Eskolta berehala Indianara pasa zen, non Oladipo (ligako etorkizuneko izarretako bat) Texasera joaten zen John Wall eta DeMarcus Cousinsekin batera Hardenen ordezko bezala.

Zer gertatu da gero? Bada, Pacersek LeVerti egindako azterketa medikoan, formalismo bat besterik izan behar zuen horretan, tumore bat aurkitu diotela giltzurrunean. 2006az geroztik sasoi ezin hobean jokatzen ari den 26 urteko atleta honek, inork jakin gabe, gaixorik dago.

Hasiera batean, denboraldi osoa hutsik eman beharko du. Badirudi ez dela larriegia bere osasunerako, eta gainditu egingo duela, baina dena da ezezaguna orain. Hori bai, Netsek 2,6 milioi ordaindu beharko dizkiete Pacersi baja konpentsatzeko.

Hardenen istorioak zeresana ematen jarraitzen du eta uste dut Kyre Irving laster agertuko dela zutabe honetan.