Kirol instalazioak bisitatzeko jardunaldiak apirilaren 4tik 7ra

Polikiroldegira joatekotan zaude? Bilbao Kirolak erakundeko kirol instalazioak ikusteko aukera egongo da apirilaren 4tik 7ra. Bilboko Udalak antolatu duen jardunaldietan Artxanda, Casilla, Atxuri, Abusu, Miribilla, Errekalde, Zorrotza, Deustu, San Ignazio eta Txurdinagako udal kiroldegiak ikusteko aukera egongo da. Ekimenaren helburua kirol eskaintza guztiaren berri ematea da eta, horrela, jarduera fisikoaren eta kirolaren praktika sustatzea.

Jardunaldi horien bidez, Bilbao Kirolak erakundeak bere instalazioak zabalduko dizkie kirola egiten ez dutenei eta bere harpidedun edo ikastaroak egiten dituztenei.

Jardunaldietan parte hartu nahi duten pertsonek kirol instalazioen kontrolera joan daitezke eta bertan jasoko dute kirol praktiketan hasteko dauzkaten aukerei buruzko informazio zehatza. Izena jarduera hasi baino lehen emango da. Bilbao Kirolak martxoaren 31an argitaratuko du eskaintza eta jarduera bakoitzean izango den plaza kopurua. Informazio hori erakundearen webgunean egongo da ikusgai.

Udal kiroldegi bakoitzean espero den eskariari egokitutako kirol eskaintza egingo da eta harpidedunak eta ikastaroak egiten dituzten guztiak joan daitezke. Harpidedun ez direnak eskatutako jarduerako ikastarogile batek gonbidatuta joan daitezke.

2016 denboraldiko kirol programazioan 64 diziplina eta 900 ikastaro izango dira umeentzat, gazteentzat, helduentzat eta 60 urtetik gorakoentzat. Era askotako eskaintza da, besteak beste, fitness, cycling, bodypump, zumba, aerobic, yoga, pilates, artes martzialak, GAP edo uretako diziplinak, adibidez, aquagym.