Etorkizuneko Super Bowl- a

Etxeko egongelatik paseatzen diren jokalariak, hatzamarrarekin egindako keinu baten bidez zabaltzen diren estatistika eta estrategiazko jokaldiak... kirol emankizunen etorkizuna ikusgarria izango da Microsoft- en arabera. Konpainiak Super Bowl- a bezalako partidu garrantzitsuak datozen urteetan nola ikusko diren amestera ausartu da.

Enpresa estatubatuarrak erakutsi duen legez, denboran aurrera egin ahala futbol amerikarraren edota beste kirolen baten emankizuna jarraitzearen esperientziak zerikusia gutxi du egungoarekin. HoloLens- ekin, Google Glass- en tankerako tresna, ikuslearen begien aurrean hainbat irudi eta hiru dimentsioko aukera ezberdin agertuko dira.

Aurrerapen hau baimenduko duen teknologia oso hurbil dago. Izan ere, arduradunak urteko lehen hiruhilabetean ekingo diote lanari. Hala ere, bere merkaturatzea oraindik urrun dago; erabiltzaileentzako kostuak oso garestiak baitira egun.