Aldaketak tren, tranbia eta funikular zerbitzuetan

Euskotren sozietate publikoak aldaketa batzuk sartuko ditu trenbideko, tranbiako eta funikularreko zerbitzuetan ostegun eta ostiral honetan, Gabon zahar gaueko eta Urteberri eguneko ospakizunak direla eta.

Zehazki, trenari dagokionez, Lasarte-Hendaia, Bilbo-Donostia, Bilbo-Bermeo eta Txorierri lineatan eta Usansoloko tren-bus zerbitzuan izango dira aldaketak, bai eta Zamudioko Parke Teknologikoko tren-bus zerbitzuan ere. Gainera, aldaketak izango dira Larreinetako funikularraren zerbitzuan eta Bilboko eta Gasteizko tranbietan.

Informazio gehiago behar duten erabiltzaileek Euskotrenen telefono zenbakira dei dezakete: 902 543 210. Horrez gain, informazioa jaso dezakete geltokietan eta geralekuetan, www.euskotren.eus webgunean eta @euskotrenEJGV Twitter gunean.