Bilbotik Malagara doan trena birritan ibiliko da astero abuztutik aurrera

Bilbotik Kordoba eta Malagara doan Renferen Picasso zuzeneko trena birritan ibiliko da astero noranzko bakoitzeko abuztuaren 3tik aurrera. Salmentan jarri zen egunetik gaur arte, bederatzi orduko bidaia egiten duen tren honek %70,8ko okupazioa dauka. Zerbitzu berria Alvia tren batekin burutuko da, eta trenbide konbentzionaletatik zein abiadura handiko trenbideetatik ibili daiteke, bidaia denbora hobeak eskainiz. Picasso Alvia trena Bilbotik irtengo da astelehen eta ostiraletan 06:30ean, eta Malagatik 12:25ean astearte eta igandeetan. Logroñoko ibilbidetik ibiliko da, bitarteko geldialdiak eginez Miranda de Ebro, Haro, Logroño, Kalagorri, Alfaro, Castejon, Tutera, Calatayud, Ciudad Real, Kordoba eta Antequera-Santa Anan.

Bilbo eta Malagaren arteko bidaia denbora bederatzi ordukoa izango da eguneko zerbitzuan. Abiadura Handiko-Distantzia Luzeko gainerako zerbitzuetan bezala, Renfek sustapeneko salneurriak eskaintzen ditu Bilbo-Malaga Picasso Alvia zerbitzuetan. Bilbo-Malaga ibilbidea egiten duen trena CAF enpresak eraikitako Alvia S120 da, eta 226 pertsonentzako edukiera dauka. Bizkarraldearen banakako kontrola, banakako audio-bideo sistema lau kanalekin, osagarrizko mahaia eta korronte elektrikoko hartunea dauka trenak. Gainera, kafetegia, aire girotua eta mugikortasun murriztua duten bidaiarientzako sarbidea ere eskaintzen ditu.