Larrabetzuko Udalak kexa aurkeztu dio Aldundiari, zenbait lekutan ehiza-kartutxo asko pilatzeagatik

Gutun baten bitartez, Larrabetzuko Udalak kexa aurkeztu dio Bizkaiko Aldundiari ehiztari batzuk izan duten jarreragatik. Idatzian dioen bezala, «herritar asko etorri dira udaletxera gure mendi eta zelaietan azken urteetan agertu diren katutxoen hondakinez kexatzera, bereziki Gaztelumendi inguruan».

Antzaz, «urtero errepikatzen» den egoera da hori, ehizarako denboraldiarekin batera (irailetik, otsailera bitartean) mendiak «zikintzen» dituzte erabiltzen dituzten kartutxoengatik. «Gure kezka luzatu diegu horrelakoak kontrola ditzaten», azaldu du Iñigo Gazteluk, Larrabetzuko alkateak. Idatzian dioen bezala, «behar diren neurriak hartu behar dituzte berriro horrelakorik berriro gerta ez dadin», eskatzen dio Aldundiari, ehizaren kudeaketaren arduraduna dena.

Kasu honetan, kexa auzokide batek bidalitako argazki eta bideo batean oinarritzen da. Horren ostean, gehiago heldu ziren. Izan ere, gero, beste bizilagun batzuek ere bide berdinetik jo zuten, salaketari sinesgarritasuna emanez. «Ehundaka eta ehundaka kartutxo ikusten dira irudian», kritikatzen du alkateak, horrek ingurumenean izan dezakeen eraginaz kezkatuta. «Ardura sortzen dit, leku horiek paseatzeko erabiltzen direlako».

Aldundiari laguntza eskatzearekin batera, basozainei «presioa» egiteko eskatu diete, horrelako jarrerak lehen momentutik ekiditeko. Momentuz, alkateak ez du erantzunik jaso, baina hurrengo egunetan heltzea espero da. Dena den, gaiarekin lotuta, bigarren abisua ere utzi du, honakoa ehizarekin lotura ez daukana. «Janarirako gero eta poltsa gehiago ikusten ari gara gure mendietan, bertan ibiltzen direnek utzita». Horrelako guneak garbi mantentzea eskatzen du.