Slezas: «Inork ez luke aukera hau errefusatuko»

Tautvydas Slezas lituaniarra Bilbora heldu da dagoeneko. Atzo Miribilla ezagutu zuen bere aurkezpenean. Bertan, Dominionek jakinarazi zuen pibotak 5. zenbakia eramango duela.

«Ilusioz beterik nago Bilbao Basketek eman didan aukera honekin. Abagune bikaina da niretzat. Dominion talde handia da», adierazi zuen. Slezasen ustez, «inork ez luke aukera hau errefusatuko». «Taldeko jokalaria naiz eta jokaldiak ondo irakurtzeko gaitasuna daukat. Errebote lanetan ondo moldatzen naiz», esan zuen lituaniarrak.