https://static.elcorreo.com/www/menu/img/zurekin-desktop.jpg

Zazpi langabe prestatu eta kontratatu dituzte Araban: bost Laudion eta bi Amurrion

Langabeziaren aurka borrokatzeko programaren barruan egin dute prestakuntza

PAUL PICADO

Langabeziaren aurka borrokatzeko egindako programari esker, zazpi langabe prestatu eta kontratatu dituzte Araban: bost, Laudion, eta bi, Amurrion. Horrela, Laudion, urte hasieratik bost langabe kontratu ditu hango udalak, alde batetik, langile buru bat, eta bestetik, lau lorezain. Haien lana baso itxiturak kentzea eta birziklatzea izan da, udako hilabeteei begira suteak prebenitzeko. Bestalde, Amurrioren kasuan, bi langabe kontratatu dituzte, igeltsero ofizial gisa, 'El Refor' eraikina nekazaritza eta elikadura enpresen haztegi bihurtzeko lanekin jarraitzeko. Sei hilabeterako kontratua izan da.

Programa horren helburua da lurraldearen batez bestekoaren gainetik dagoen langabezia-tasa duten herrietan langabeziaren aurka borrokatzea. Horrela, pertsonei laneratzen laguntzen die, eta herri behartsuetan dagoen langabeziak ere behera egiten du. Hori lortzeko, Amurrioko eta Laudioko udalak batera egiten dituzte enplegu-planak.

Azken hiru urteetan 28 langabe kontratatu dituzte Laudion eta Amurrion programa honi esker, eta iaztik, langabezia-tasarik handiena duten herrietan enplegu-planak bultzatzen ari dira, eta guztira zortzi herri dira: Oion, Amurrio, Laudio, Bastida, Agurain, Santikurutze Kanpezu, Lapuebla de Labarka eta Moreda Araba.

Langabezia bilakaera ona izaten ari da Araban, baina oraindik 19.000 arabar baino gehiago daude lan gabe, beraz, 2015etik enplegua sustatzeko bideratutako diru kopurua laukoiztu egin dute. Azken finean, herri horietako pertsonak langabeziatik ateratzea, lanean hastea eta prestakuntza ematea da xedea, programa amaitutakoan beraien enplegagarritasuna hobe dadin.

Temas

Euskera