https://static.elcorreo.com/www/menu/img/zurekin-desktop.jpg

'Los universos paralelos' antzezlana, gaur, Kafe Antzokian

Juan Carlos Vellido eta Malena Alterio./
Juan Carlos Vellido eta Malena Alterio.

Obra honek erakusten du erdi mailako familia baten gainditze prozesua, seme bat galdu ondoren

ELCORREO.COM

Seme edo alaba baten heriotza gainditu daitekeen gauza da? David Lindsay Abairek idatzita eta David Serranok moldatuta, galdera hori erantzun nahi du 'Los universos paralelos' antzezlanak. Atzo hasi eta gaur berriro ere Campos Elíseos Antzokian eskainiko den lan honetan Malena Alterio aktoresa da protagonista Juan Carlos Vellidorekin batera.

Drama ia bazterrean utzita, antzezlanak adierazten du erdi mailako familia baten gainditze prozesua, seme bat galdu ondoren, umore ukitu leunekin. 'Los universos paralelos' antzezlanean Patricia eta Albertoren bizitzak 180 graduko bira bat ematen du zortzi hilabetetan bakarrik, eta erruduntasunak garrantzia handia hartzen du horretan. Hala ere, biek euren aldetik hura gainditzeko dena jarriko dute eta itxaropenera zabalik dagoen ate bat aurkituko dute, zeina gizakiei aurrera jarraitzeko gonbitea egiten dien, baita unerik mingarrienetan ere.

David Linday Abaire azken urteotako dramaturgo ospetsuenetariko bat da. Estatu Batuetakoak, dagoeneko, hainbat sari eskuratu ditu eta mundu osoko antzokiak bete ditu bere lanekin. Antzezlana Broadwayn estreinatu zen 2006. urtean eta Antzerkiko Pulitzer Saria irabazi zuen 2007an. Horrez gain, hainbat sarirako izendapen eduki zituen, esaterako: Tony Sariak, Antzezlan Hoberenarena barne, eta Cynthia Nixon-ek Aktoresa Hoberenaren Tony Saria irabazi zuen.

David Serrano hainbat lanarengatik nabarmendu da. Esate baterako: Cartas de amor (2016) eta Hoy no me puedo levantar (2005). Horrez gain, zuzendari edo gidoilari gisa lan egin du 'Tenemos que hablar' (2015), 'Días de fútbol' (2002) edo 'El pregón' (2015) bezalako pelikuletan.

Oraingo honetan, 'Los universos paralelos' Campos Elíseos Antzokira iritsi da, non ikusleek hura ikusi ahal izango duten gaurko emanaldia.

Temas

Euskera

Contenido Patrocinado

Fotos

Vídeos