Tronboiak joz kontatuko dute Kubako historia lau tronboi-jotzailek Principal Antzokian

Milagro Álvarez Leliebre, Daniel Cruces-Pérez, Christian Paneque Moreda eta Diana Sainz Mena Kubako tronboi-jotzaileek kontzertu berezia emango dute asteazkenean Gasteizko Principal Antzokian. Ari Benjamin Meyers konpositorearen laguntzarekin, Kuban izandako 60 urteko iraultza kontatuko dute beren tronboien bidez. Gutxi gorabehera bi ordu eta laurdeneko emanaldia da, eta sarrerak erosi nahi izanez gero, hemen egin daiteke.

Kontzertua 20:30ean hasiko da eta Rimini Protokoll konpainiak antolatu du. Kontzertuan zehar bakoitzak beren familien istorioak kontatuko dituzte eta etengabe aldatzen ari den herrialdearen arazo soziopolitikoen berri ere emango dute.

Rimini Protokoll konpainiako kideek laurogeita hamarreko hamarkadan ezagutu zuten elkar Alemaniako abangoardiako antzerkiaren eliteko eskolan, eta zenbait proiektu egin zituzten batera. Lehen lanak antzoki independenteetan egin zituzten Alemaniak, baina pixkanaka hedatuz joan ziren eta aspaldi ari dira atzerrian ere lanean.

Bizitza errealaz baliatzen dira beren proiektuak adierazteko, eta askotan, antzerkiaz harago ezagutzak eta gaitasunak dituzten adituekin lan egiten dute. Zenbati lanetan elkarrekintza eta teknologiaren erabilera ludikoa nagusi.

Kontzertu honetan aritzen den musikari bakoitzak bere istorioa du. Milagro, historia-ikaslea da, eta iraultzak irakasle gisa zergatik ez dion lagunduko ulertzen saiatzen da. Daniel, Faustino Pérez, iraultzaren ondorengo lehen ministroaren iloba da. Christian, 24 urteko programatzailea da, eta bere aitona Angolara joan zen Gerra Zibilean.

• Temas
• euskera