https://static.elcorreo.com/www/menu/img/zurekin-desktop.jpg

Soziedad Alkoholikak txundituta utzi zituen txiletar zaleak

Soziedad Alkoholikak txundituta utzi zituen txiletar zaleak

UNAI SARRIUGARTE

Soziedad Alkoholika taldeak kontzertu bat eskaini zuen pasa den zapatuan, martxoak 17, Santiago de Txileko Tetelon antzokian. Gasteiztarrek, bere abesti famatuenak jo zituzten hego ameriketako ehunka zaleren artean. Berriz ere, taldeak munduaren inguruan duen gaurko irudia aurkeztu zuen, baina iraganeko larrialdi kritika kutsu hori galdu gabe.

Showaren gelaurrea Gordom izeneko trash metal taldeak hartu zuen. Hauen ostean, Social Crisis deituriko hardcore bandaren txanda izan zen. Talde honek rap eta kaleko kulturarengan eragina dauka. Zoritxarrez, gutxi izan ziren talde bi hauen abestiak entzuteko aukera izan zituztenak.

Honen ostean, talde gasteiztarraren txanda izan zen. Zale kopurua handitzeaz gainera, giroa gero eta gehiago berotzen hasi zen. 24 izan ziren guztira abestu zituzten abestiak. Hauen artean aipatu beharra dago: Ratas, Piedra Contra Tijera, Nos Vimos en Berlín, Peces Mutantes, Pauso Bat, Cuando Nada Vale Nada, besteak beste.

Talde gasteiztarrak 30 urte inguru daramatza oholtza gainean, belaunaldi desberdinetako zaleak aho bete hortz uzten. S.A, thrash metal, hadcore punk eta groove metal izeneko genero musikalen artean ibili ohi da. Ildo beretik, genero hauetan duen esperientzia goraipatzekoa da, bertan show ezberdinen sendotasun eta exekuzio ikaragarria nabarmendu genezake.

Talde honen abesti gehienak arrazakeria, sexismoa, mugimendu sozialak eta justiziaren inguruko gaiak jorratzen dituzte. Era berean, erritmo biziko bateria jotzaile birtuosoak zuzendu, gitarra riff sakonek jantzi eta ahots urratuak borobildutako abestiak dira.

Temas

Euskera