https://static.elcorreo.com/www/menu/img/zurekin-desktop.jpg

ZPU rap-abeslariaren kontzertua, larunbatean, Kubik aretoan

ZPU musikaria./
ZPU musikaria.

Gaztelaniaz abesten duen hip-hop arloko rap abeslaririk ezagunenetako bat da

PAUL PICADO

ZPU rap-abeslariaren kontzertua izango da larunbat honetan Kubik aretoan. Gaztelaniaz kantatzen duen hip-hop arloko rap abeslaririk ezagunenetako bat da. Aretoko ateak 21.30ean irekiko dituzte, baina oraindik ez dute zehaztu kontzertua zer ordutan hasiko den. Sarrerak aldez aurretik erosi nahi izanez gero, hemen egin daiteke, 6 euroan; leihatilan bertan, berriz, 8 euro ordaindu beharko dira.

ZPU, berez, Juan Prieto Sanchez bartzelonarra da. Bere lehen taldea Muerte Acústica izan zen (geroago Magnatiz deitu zena), eta 1994. urtean sortu zen. Talde horrekin bi maketa atera zituen: bat, 1997. urtean, eta bestea, 1998.ean. Zenbait urte geroago, taldeko DJa aldatu zenez, Magnatiz izena jarri zioten taldeari. Horrela, bi LP kaleratu zituzten, baina horren ondoren taldea desegin zen eta ZPUk berak bakarrik jarraitu zuen.

2006. urtean lehen diskoa kaleratu zuen, 'El hombre de oro' izenekoa. Guztira 17 abesti ziren eta arrakasta handia lortu zuen. Handik bi urtera bigarren LPa atera zuen, 'Contradicziones' izenekoa. Disko honetan, barrutik sentitzen zuena atera zuen, eta sistemaren eta sistema bera kontrolatzen duenaren aurkako borroka adierazi zuen. Disko honek ere arrakasta handia lortu zuen.

2010. urtean «urteko rap diskorik onena» gisa hartu duten 'He tenido un sueño' lana kaleratu zuen, eta handik urtebetera, disko horrekin egindako bira erakusteko, 'Yo soy cambio' lana plazaratu zuen. Dena den, Bartzelonan, Bikini aretoan emandako zuzeneko kontzertua nagusiki agertzen da, izan ere, zuzeneko kontzertu bikaina izan zen eta gonbidatu bereziak izan zituen.

Harrezkero beste bi lan kaleratu zituen, azkena 2016an. Urte horretan, abuztuan, 'Espejo' izeneko bosgarren lana atera zuen, eta hor, bere buruaren erretratu poetikoa egiten du. Berak dioenez, bere lanik sakonena da.

Temas

Euskera