https://static.elcorreo.com/www/menu/img/zurekin-desktop.jpg

Plateruenako kontzertuetarako prest

Esne Beltza-ko taldekideak, kontzertu batean./Jesús Andrade
Esne Beltza-ko taldekideak, kontzertu batean. / Jesús Andrade

Durangoko Azokako egitarauaren barruan bost kontzertu egingo dituzte Esne Beltza, Huntza, Anestesia, Modus Operandi eta Olatz Salvadorrek

AMALIA IBARGUTXI

Estilo desberdineko taldeak izango dira aurten Durangoko Azokak iraun bitartean Plateruenan. Abenduaren 5etik 9ra arte egunero kontzertuak egingo dituzte ibilbide luzeko zein talde berriek. Aurten bost emanaldi izango dira: Esne Beltza, Huntza, Anestesia, Modus Operandi eta Olatz Salvadorrenak.

Azokako gainerako guneak ixtean egingo dituzte kontzertuok Kafe Antzokian. Egitarauari abenduaren 5ean ekingo diote, Ikasle Egunean, Huntza taldearekin. Udan kontzertu ugari eskaini eta gero, talde gipuzkoarra disko berria grabatzen ari da, eta prest izango dute Durangoko Azokarako.

Hurrengo egunean, abenduaren 6an, Esne Beltza izango da oholtza gainean. Xabi Solanoren taldea ere disko berria grabatzen ari da Mark Dasousa ekoizle valentziarrarekin, eta Azokan zuzenekoa eskainiko du disko berria aurkezteko. Abenduaren 7ari dagokionez, Modus Operandi talde berriaren kontzertua izango da ikusgai. Talde berria den arren, taldekideak ibilbide luzekoak dira. Izan ere, Iñaki Ortiz de Villalba Betagarri taldeko abeslariaren proiektu berrian Lauroba eta Vendetta taldeetako musikariak batu ditu, «ska musika eta fusioa lantzeko», adierazi dutenez.

25 urte beteko ditu Anestesiaren 'Gorrotoaren ahotsa' diskoak, eta urtemuga ospatzeko biniloa argitaratuko du talde zarauztarrak hilaren 8an. Azkenik, azokari amaiera amateko, proposamen «lasai eta intimoagoa» prestatu dute abenduaren 9rako. Olatz Salvadorrek bere lehenengo diskoa aurkeztuko du Durangon, 20:00etatik aurrera, doan.

Gainerako kontzertu guztiak 23:00etan hasiko dira. Modus Operandi taldea ikusteko sarrerak dagoeneko eros daitezke www.plateruena.eus webgunean, eta besteak aurrerago jarriko dituzte salgai.

Temas

Euskera

Contenido Patrocinado

Fotos

Vídeos