https://static.elcorreo.com/www/menu/img/zurekin-desktop.jpg

'Planeta aktibatu' festarekin ikasturteari amaiera emango zaio, ostiralean, Judimendin

'Planeta aktibatu' festarekin ikasturteari amaiera emango zaio, ostiralean, Judimendin
Gasteizko Udala

Zenbait ekintza antolatu dituzte haur eta nerabeentzat, goizez eta arratsaldez

PAUL PICADO

Ikasturtea amaitzear da eta hori dela eta, urtero bezala, amaiera hori ospatzeko festa bat antolatu dute, Sefarad plazan, Judimendiko gizarte-etxearen aurrean, haur eta nerabeentzat. Horrela, zenbait ekintza antolatu dituzte goizez eta arratsaldez, besteak beste, lantegiak eta jolas erraldoiak.

Berez, ikasturtean zehar Aktiba(tu) programan parte hartu duten ikastetxeentzako jarduerak dira, eta hala izango da goizez antolatutakoetan. Arratsaldean, berriz, edonork parte hartu ahal izango du. Goizeko jarduerak 10.00etan hasi eta 12.30ean amaituko dira; arratsaldekoak, berriz, 17.00etan hasi eta 20.00etan amaituko dira.

Goizean, ikasleek ikasturtean zehar haur eta nerabeen eskubideen inguruan landutako gaiez arituko dira. Bestalde zenbait lantegi ere izango dira, hala nola txapak egiteko, material birziklatuekin musika-tresnak egiteko, Gargantua eta abar. Bestalde, arratsaldean, beste lantegi batzuk egingo dira, besteak beste pintura, globoflexia, eskumuturrekoak eta amets-harrapariak.

Aktibatu programa 18 urte arteko haur eta nerabeentzako programa da, eta Haurren Eskubideei buruzko Hitzarmena kontuan hartzen du, neska-mutil guztien eskubide sozial, kultural eta politikoak aitortzen dituena. Aktibatu programaren helburua, beraz, Gasteizko haur eta nerabeek beraien eskubideak eta horiek ekartzen dituzten erantzukizunak ezagutzea da. Horrez gain, ikasketa esperientzien eta partaidetza taldeen bidez, neska-mutilek bere iritziak ematea ere bada helburua.

Ostiraleko festari 'Planeta Aktiba(tu)' esan diote, eta nobedade gisa, Gasteizko Santa Maria ikastetxeko DBHko 6. mailako ikasleek egunean zehar egingo diren jarduerak prestatu eta antolatu dituzte.