https://static.elcorreo.com/www/menu/img/zurekin-desktop.jpg

24 ordu ilunpean igerian erretinosi pigmentarioa ikusarazteko

Carlos Peña igerilaria, Bilbon./Ignacio Pérez
Carlos Peña igerilaria, Bilbon. / Ignacio Pérez

'Itzali argia eta igeri egin' lelopean, Carlos Peñak 24 orduz geratu gabe bizkarrez egin beharko du igeri. Abuztuaren 20an Donostiako Urumea ibaian egingo du saiakera

AMALIA IBARGUTXI

Erretinosi pigmentarioak 3.000 biztanletik bati eragiten dio. Beraz, 380 pertsona ingururi eragiten die Bizkaian. Araban, 100 ingururi. Gipuzkoan 230 izango dira, gutxi gorabehera, gaitzak eragindako pertsonak. 'Itzali argia eta igeri egin' lelopean, Carlos Peña munduko errekor bat hausten saiatuko da gaitz hori ikusarazteko. 24 orduz geratu gabe bizkarrez egin beharko du igeri, ekintza honetarako bereziki moldatuak izan diren betaurreko berezi batzuekin. Horiek jantzita, ezin izango du ia ezer ikusi, honetan erretinosi pigmentario gaitzak eragiten dituen sintomak ezagutuz eta ikusmen urritasuna dutenen azalean jarriz.

Abuztuaren 20an Donostiako Urumea ibaian egingo du saiakera Peñak, irabazi asmorik gabeko dameTVision kultur elkarteari eskainiko dio proba erretinosi pigmentarioaren aurkako borrokan urteak daramatzan Ibon Casas musikariarekin batera. Gaitzak eragindako lagunetako bat da Casas.

Guztira 25.000 lagunei eragiten die Estatu osoan gaixotasunak, eta are gehiagori nazioartean. Pixkanaka-pixkna ikusmena galtzea eragiten du, erretina gaiztotuz. Erretinosi pigmentarioa gaixotasun degeneratiboa da eta, beraz, aurrera egin ahala, ikusmena galduz joaten dira, batzuk erabat itsu geratu arte.

Dokumentala helburu

Errekorra lortzeko saiakera honekin, igerilariak dameTVision-en proiektu bat babestu nahi du. Azken helburua, ordea, gaixotasuna ezagutarazteko dokumental bat egitea da. Bertan, Ibon Casasek Los Angelesera egindako bidaia erakustea da asmoa, Stevie Wonderrekin elkartzen saiatu eta 'gaixotasun arraro' horren aurkako borrokan parte hartzera animatzeko.

Marka-haustea egiteko saiakera abuztuaren 20an egingo dute, Ur Kirolak Arraun Klubeko egoitzatik abiatuta. Kiroletako zinegotzi Martin Ibabek herritarrak deitu ditu Urumeara bertaratzera, eta Peña eta Casas zoriondu ditu antolatutako ekimenagatik. «Beste hainbatetan bezala, Udalak kirola eta elkartasuna uztartzen dituzten ekimenak babestuko ditu. Gainera, erronka zail honen aurrean hiritarrak bertara joateko deia egin nahiko nuke. Azkenik, Carlos eta Ibón zoriondu nahiko nituzke haien konpromisoagatik. Eskertzekoa da».

Temas

Euskera

Contenido Patrocinado

Fotos

Vídeos