https://static.elcorreo.com/www/menu/img/zurekin-desktop.jpg

Nathalie Poza, Emakumezko Antzezle Onenaren Goya saria, Arriagan, asteburuan

Natalie Poza eta beste dantzari batuk, 'Sueño' antzelanean./Europa Press
Natalie Poza eta beste dantzari batuk, 'Sueño' antzelanean. / Europa Press

Gaurtik igandera arte aurkeztuko da Bilbon 'Sueño' antzezlana

IZASKUN MOYANO

Zer esan handia eman zuen joan den asteburuan ospatutako Zine Espainiarraren Goya Sarien galak. 'Handia' pelikua euskalduna atera zen garaile, baina beste askon lana ere aintzat hartu zuten. Beste batzuen artean, Nathalie Poza aktoresak etxera eraman zuen Emakumezko Antzezle Onenaren 'buruhandia', eta asteburu honetan Arriaga Antzokira hurbiltzen den herritar orok taula gainean ikusteko abagunea izango du, 'Sueño' obra antzezten.

Madrildar antzezlea izango da Andres Lima artistaren obran protagonista. Baina berarekin batera sasoi onean dagoen beste emakume bat izango da eszenatokian, Ainhoa Santamaria. Gasteiztarrak Max Sarietan Taldeko Emakumezko Onenaren saria eskuratu zuen. Hauekin batera taula gainean izango dira Chema Adeva, Laura Galan eta Maria Vazquez. Guztien artean dibertigarria bezain krudela den istorioa kontatuko dute.

Shakespeare idazle britainiar handiaren lanetan oinarrituta dago 'Sueño'. Teatro de la Ciudad eta Teatro Abadiak ekoiztutako obran idazteko orduan Lima zuzendaria, bere aitaren heriotzan inspiratu zen. Izan ere, berak bizitzeko eta maitatzeko duen grina da antzezlanaren abiapuntua. Aktoreek guztia pasioz egiten dute: maitatu, barre egin, edan, dantzatu, negar egin, dibertitu… Baina heriotza umorearen ikuspegitik lantzeko apustuari esker, ikusleak barre eta negar egiteko aukera izango du.

Umorearen limiteen, kodigo etikoen eta erregulatze zein zentsuraren arriskuen inguruko eztabaidari heltzen dion lanean gizon baten istorioa kontatzen da. Hiltzeko ordua iritsi ahala bizi eta maitatzeko gogoa areagotzen zaion nagusiaren istorioa, hain zuzen ere. Alkoholari esker bere amodioez gogoratuko da, gaztetako garaira salto eginez. Baina edaria bukatzean gero eta gogorragoa den errealitatera itzuliko da.

Gaur eta bihar arratsaldeko 20:00tik aurrera izango da obra Arriaga Antzokian ikusgai. Hurrengo egunean, 11 igandean aldiz, arratsaldeko 19:00tan eskainiko da funtzioa. Sarrerak dagoeneko salgai daude 8,50 eta 24 euroren artean.

Temas

Euskera

Contenido Patrocinado

Fotos

Vídeos