https://static.elcorreo.com/www/menu/img/zurekin-desktop.jpg

Munduan antolatzen den Free to Play bideo-jokoen lehen campusa hasiko da uztailaren 16an Gasteizen

Gazte bat, bideojoko batera jolasten./Efe
Gazte bat, bideojoko batera jolasten. / Efe

12 herrialdetako 22 taldek campus horretan parte hartzeko lehiatuko dute

PAUL PICADO

Datorren uztailaren 16an hitzordu garrantzitsu bat izango dugu Gasteizen, munduan antolatzen den Free to Play (FSP) bideo-jokoen lehen campus azeleratzailea hasiko baita. Guztira, 12 herrialdetako 22 taldek lehiatuko dute campus horretan parte hartzeko eta antolatzaileek, horietatik, 6 proiekturik onenak aukeratuko dituzte. Esan bezala, topaketa uztailaren 16an hasiko da, Artium zentroan.

Free to Play bideo-jokoak, berez, doako bideo-jokoak dira, eta aurten partaidetza handia izan da campusean parte hartzeko. Horrek, ekimenak piztu duen eragin handia erakusten du, kontu ulergarria, gehienbat kontuan hartzen badugu bideo-jokoen sektoreak urtero 116.000 milioi euro baino gehiago mugitzen dituela. Taldeek online aurkeztu dituzte beren lanak eta, hemendik gutxira, antolatzaileek campusean parte hartzeko aukeratu dituzten 6 taldeen izena emango dute. Nabarmentzekoa da sektoreko nazioarteko aditurik garrantzitsuenetako batzuk ere bertaratuko direla.

Lehiaketan parte hartu duten taldeen artean, 10, Espainiakoak dira, eta haren atzetik, talderik gehien ekarri dituen herrialdea Errusia izan da, 4rekin. Bestalde, herrialde hauetako taldeek ere parte hartu dute: Holanda, Ukraina, Eslovakia, Hegoaldeko Korea, Erresuma Batua, Finlandia, Grezia, Txekiar Errepublika, Montenegro eta Estonia.

Finalera heltzen diren 6 taldeen aurkezpena uztailaren 19an izango da. Hautatutako talde horiek Gasteizen garatuko dituzte beraien bideo-jokoen proiektuak, baina sektore honetako munduko aditurik nagusietako batzuen laguntza ere jasoko dute. Udan joango dira, hain zuzen, Gasteizera, proiektuen berri izateko, eta horrez gain, zenbait topaketa ireki ere antolatuko dituzte doako bideo-jokoetan interesa duten pertsonentzat. Aditu horien artean, Candy Crushen sortzaileak; Assasins Creed bildumako sortzaileetako bat den Stephane Assadourian; Kim Krogh, Suediako King estudioen zuzendarietako bat dena, edo CATS edo Cut the Rope 2 bideo-jokoak diseinatu dituen Eugene Yailenko nabarmentzen dira.

Temas

Euskera

Contenido Patrocinado

Fotos

Vídeos