https://static.elcorreo.com/www/menu/img/zurekin-desktop.jpg

Montehermosok 2018ko proiektu artistikoetarako deialdia argitaratu du

Montehermosok 2018ko proiektu artistikoetarako deialdia argitaratu du

Iazko deialdian hiru proiektu laguntzetik lau laguntzera pasa zen, horietako bat ikus-entzunezkoa, eta aurtengo edizioak 4.000 euro gehiago izango ditu.

I.AGOTE

Kultura, Hezkuntza eta Kirol zinegotzi Estibaliz Cantok gaur iragarri du prentsaurrekoan ALHAOn argitaratu dela Montehermoso kulturuneko taberna-jatetxea ustiatzeko eta kudeatzeko baldintza teknikoen agiria. Interesdunek martxoaren lehenera bitartean aurkeztu ahalko dituzte eskaintzak.

Cantok adierazi du «tabernak bisitarientzako topaleku izatea du xede, kalitate, aniztasun eta originaltasuna ardatz. Negozio erakargarria da eta funtziona dezake orain sailak antolatzen duen kulturuneko jardueren osagarri baita, lorategiaren osagarri, eta gerora ondoko eraikinen gune ere izango da, eta jendetza erakarriko dute».

«Kontratua bost urterako izango da eta beste bost urterako luzatzerik izango du hau da, esleipendunak badaki epe luzerako proiektua gauza dezakeela» nabarmendu du Cantok. Kanona 8.000 eurotik 6.000 eurora jaitsi da, eta, horrenbestez, baita lehiatzaileari eskatzen zaion kaudimen ekonomiko eta teknikoa ere.

Ildo horretatik, baldintza-agiri honek osatu egiten du sailak lorategiaren kultur kudeaketa berreskuratzeko eta araudira eta kultur irizpide publikoetara egokitzeko hartutako erabakia, «kultur eragile guztiekin koordinatuta egindako programazioa izango du, indarrean dauden araudiak betetzen dituena, bizilagunak errespetatzen dituena eta kultura mota oro sendotzen duena» amaitu du.

Proiektu artistikoetarako deialdia

Halaber, Montehermoso kulturuneak gaur ireki du proiektu artistikoetarako deialdiaren seigarren edizioan parte hartzeko epea, eta apirilaren 8an amaituko da.

Deialdiaren seigarren edizio honen xedea da arte garaikideko proiektuen produkzioa erraztea eta bertako eremuko artistak erakustea. Deialdiaren bitartez produkzio aurreko edo produkzio prozesuan dauden sorkuntza artistikoaren proiektuak aukeratzen dira, eta horiek Montehermoson aurkezten dira bertako urteko erakusketen eta lankidetzen –lantegi, aurkezpen, bisita gidatu, argitalpen– programazioaren zati gisa.

Edizio honetan aurrekoetan (2016 eta 2017an) hasitako ildoak indartu dira eta 4.000 euro igo da deialdiari esleitutako zenbatekoa. Iaz, 18.000tik 24.000 eurora igo zen, eta hiru izatetik lau proiektu izatera pasa zen, horietako bat ikus-entzunezkoen arlokoa izanik. Proiektuak aurkezteko epea luzatu eta horietako bakoitzarekin katalogo edo argitalpen bat prestatzerik izango da.

Artistek, erakundeek nahiz elkarteek aurkeztu ahalko dituzte proiektuak, zeinek argitaratu gabeak izan beharko baitute. Talde gisa aurkeztuz gero, ordezkari bat izendatu beharko da. Apirilaren 8an amaituko da proiektuak aurkezteko epea.

Contenido Patrocinado

Fotos

Vídeos