https://static.elcorreo.com/www/menu/img/zurekin-desktop.jpg

Minbizia duten Arabako haurren guraso elkartearen aldeko kontzertu solidarioa, igandean

Aspanafoa elkartearen webgunearen azalean agertzen den irudia./Aspanafoa
Aspanafoa elkartearen webgunearen azalean agertzen den irudia. / Aspanafoa

Kontzertua Arabako Abesbatzen Elkarteak antolatu du eta Gasteizko Salburua Gizarte Etxean izango da 12:30ean

PAUL PICADO

Igande honetan Aspanafoa Arabako haurren guraso-elkartearen aldeko kontzertu solidarioa izango da Salburua Gizarte Etxean, Arabako Abesbatzen Elkarteak antolatuta. Kontzertua 12:30ean hasiko da, eta dohaintza gisa 5 euro ordaindu beharko dira. Gasteizko Joyful Gospel Choir eta Joyful Little Lights abesbatzak arituko dira kontzertuan.

Aspanafoa, minbizia duten Arabako haurren guraso-elkartea, 1990. urtean sortu zen, Txagorritxu ospitalean zeuden eta leuzemia zuten haurren guraso talde baten ekimenari esker. Handik zazpi urtetara, Bizkaiko eta Gipuzkoako elkarteekin batera minbizia duten guraso elkarteen euskal Federazioa (Umeekin izenekoa) sortu zuten.

Elkarte honen helburu nagusia minbizia duten haurren eta haien familien bizi-kalitatea hobetzea da. Horretarako, haurren minbiziarekin zerikusia duten pertsona eta erakunde guztiei informazioa emateaz gain, ikerketa zientifikoa ere sustatzen du. Azken batean, xede berak dituzten tokiko, probintziako, autonomiako eta nazioko erakunde guztiekin lankidetzan aritzea da xedea, gizarteak jartzen dituen oztopoei aurre egiteko, minbizia duten haurren eta haien senideen gizarte garapena eta garapen pertsonala eragozten baitu.

Urtean zehar zenbait jarduera antolatzen ditu dirua biltzeko, hala nola Gabonetako Festa, Erdi Aroko merkatua, San Martin azoka txikia, Santiagoko Azoka eta igande honetan Gasteizen izango dugun kontzertu solidarioa. Kontzerturako sarrerak aldez aurretik eros daitezkeApanafoa elkartearen egoitzan bertan, astelehenetik ostiralera bitartean, ordutegi honetan: astelehenetik asteazkenera, 09:30etik 13:30era, eta 16:30etik 18:30era, eta ostegun eta ostiraletan 09:30etik 13:30era. Leku kopurua mugatua da.

Temas

Euskera