https://static.elcorreo.com/www/menu/img/zurekin-desktop.jpg

Martinu laukoteak Haydn, Weinberg eta Beethoven interpretatu zuten atzo, Gasteizen

SERGIO EGUÍA

Vital Fundazioaren Astearte Musikalak zikloak Txekiar Errepublikako Martinu laukotearen emanaldia eskaini du astearte honetan. J. Haydn, M. Weinberg eta L. V. Beethoven konpositoreen lanez osatutako egitaraua interpretatu zuen taldeak, 20:00etan, Vital Fundazioa aretoan, Gasteizen. Vital Fundazioak urtero ganbera musikari eskaintzen dion musika zikloa da Astearte Musikalak.

Lubomir Havlak eta Libor Kanka biolin jotzaileek, Zbynek Padourek biola jotzaileak eta Jitka Vlasankova biolontxelo jotzaileak osatu dute taldea. 1976an sortu zen, Pragako Kontserbatorioan, Havlak Cuartet izenarekin. Izenaren aldaketa 1985ean izan zuten, Bohuslav Martinu musikagilearen omenez.

Lau kideek Txekiar Errepublikako zenbait zentrotan egin zuten musika prestakuntza, irakasle ospetsuenen alboan. Laukoteak lehenengo saria lortu du hainbat lehiaketatan, hala nola Portsmouth (Britainia Handia), ARD Radio (Munich), Evian (Frantzia) edo Pragako Udaberrian (Portugal). Era berean, Europako zenbait herrialdetan, AEBn, Kanadan eta Japonian kontzertuak eman eta birak egin ditu.

Martinu laukotea irrati eta telebista txekiarrekin elkarlanean aritzen da eta zenbait lan grabatu ditu Radio France, Alemaniako ARD, Austriako ORF edo BBCrako, besteak beste.

Taldearen errepertorioan harizko laukoteetarako egin diren lan garrantzitsuenak daude. Hala ere, naturala denez, lau musikariak musikagile txekiarren lanetan adituak dira; esaterako, Smetana, Dvorak eta Janacek eta, bereziki, taldearen izenaren inspirazioa den Bohuslav Martinu musikagilearen lanetan adituak dira.

Contenido Patrocinado

Fotos

Vídeos