https://static.elcorreo.com/www/menu/img/zurekin-desktop.jpg

Art Market azoka egingo da bihar Bilboko Berreginen Museoan

Hainbat artisten obrak ikusteko aukeraz gain, San Frantzisko auzoko Mariaren Bihotza plazako bigarren eskuko azokarekin bat egingo du azokak, baita  Mariaren Bihotza plazan dagoen XV. mendeko komentuko doako bisitekin ere

AMALIA IBARGUTXI

Bilboko Berreginen Museoak (Museo de Reproducciones delakoak) gonbidapena luzatu die artistei beren obrak ikusgai jarri eta saltzeko aukera izan dezaten, museoko aretoetako batean, Art Market azokan, alegia. Ekimena bihar bertan izango da, maiatzaren 12an, goizetik hasi eta eguerdira bitartean.

Zehatzago, 10.00etatik 15.00etara luzatuko da, eta «parte hartu nahi duten artisten lana eta ahalegina sustatzea» izango dute helburu, antolatzaileek jakinarazi dutenez. Jarduerak bigarren eskuko azokarekin bat egingo du. Azoka hau San Frantzisko auzoko Mariaren Bihotza plazan egingo da, eta musika zein artea eskainiko dira bertan, Berreginen Museoko arduradunek jakinarazi dutenez.

Bestalde, Mariaren Bihotza plazan dagoen XV. mendeko komentua bisitatzeko aukera izango dute bertaratutakoek. Doako bisitak antolatu dituzte aztarnategian egun horretarako. Berreginen Museoak, espazio hori kudeatzeko ardura duenak, ate irekien jardunaldia prestatu du 10.00etatik 12.00etara. Ondoren, bisita gidatuak eskainiko dituzte, 12.00etan gaztelaniaz eta 13.30ean euskaraz.

Bisita gidatuan parte hartzeko beharrezkoa izango da aldez aurretik izena ematea 944150231 telefono zenbakian. Antolatzaileek esan dutenez, aukera «aparta» izango da «Bizkaiko hiri-aztarnategi handienetako bat ezagutzeko». San Frantzisko auzoan egun berean egingo diren beste bi ekitaldiekin bat egingo du bisitak.

Contenido Patrocinado

Fotos

Vídeos