https://static.elcorreo.com/www/menu/img/zurekin-desktop.jpg

Manolo Garcíaren kontzertu akustikoa izango da maiatzaren 3an Gasteizen

Manolo Garcíaren kontzertu akustikoa izango da maiatzaren 3an Gasteizen
E. C.

Abeslaria lehen aldiz ari da kontzertu akustikoak ematen, eta maiatzean Buesa Arenara etorriko da

PAUL PICADO

Manolo García Gasteizera etorriko da maiatzaren 3an kontzertu akustiko bat ematera. Abeslaria lehen aldiz ari da kontzertu akustikoak ematen, eta maiatzean Gasteizko Buesa Arenara etorriko da. Kontzertua 21:00etan hasiko da, eta sarrerak erosi nahi izanez gero, Interneten egin daiteke (55 eta 35,50 euro artean balio du, kudeaketa-gastuak barne hartuta).

Manolo Garcíak El Último de la Fila taldearekin lortu zuen arrakastarik handiena baina horren aurretik beste bi taldeetan aritu zen: Los Rápidos eta Los Burros taldeekin hain zuzen ere. Horiekin grabatu zituen bere lehen bi diskoak. Los Rápidos taldearekin kaleratutako diskoak arrakasta eskasa izan zuen, dena den, 300 kontzertu inguru eman zituen Kataluniatik. Bestalde, Los Burros taldearekin, diskoak iritzi onak jaso bazituen ere, arrakasta gutxi ere izan zuen.

Geroago, Quimi Portetekin sortu zuen El Último de la Fila taldearekin heldu zen azkenean arrakasta. Maketa lehiaketa bat irabazteari esker, Virgin multinazionalarekin kontratua sinatzeko aukera izan zuten, baina diskoetxe independente batekin konpromisoa hartuta zutenez, uko egin zioten.

Lehen diskoa 1985. urtean grabatu zuten, eta aurreko lanetan erabilitako pop rock estilotik estilo desberdinak erabiltzera pasa zen, flamenko kutsua ere emanez. Bigarren lanarekin jarraitzaile kopurua handitu egin zen eta hurrengo lanekin gero eta arrakasta handiagoa lortu zuen. Hainbat lan kaleratuta, 1998. urtean taldea desegitea erabaki zuten, eta urte berean Manolo García bakarrik lan egiten hasi zen.

Horrela, berehala kaleratu zuen bere lehen diskoa, eta El Último de la Fila taldearekin izan zuen arrakasta bera izaten jarraitu zuen. Guztira hamabi lan kaleratu ditu eta oraingoan, kontzertu akustikoak ematea erabaki du. Guztiz desberdinak izango dira bere kontzertuak, eta bere musika eta ahotsa ere modu desberdinean helduko dira ikusleengana.