https://static.elcorreo.com/www/menu/img/zurekin-desktop.jpg

Mahastiak zaintzea gomendatu du Guardiako Ardoaren Etxeak, mildiu gaixotasunarengatik

Gaixotasuna Ebro ibaiaren inguruko eremuetan dago hedatuen

PAUL PICADO

Guardiako Ardoaren Etxeak Arabako mahastiak kontrolatzen jarraitzen du astero, eta mahastiak zaintzen jarraitzea gomendatu du, izan ere, mildiu gaixotasunak oraindik jarraitzen du. Udako hilabeteetan oso baldintza onak ematen onddoak garatzeko, eta mildiua hedatu egin da. Ebro ibaiaren inguruan batik bat hedatu da gehien, Lapueblan, Eltziegon, Guardiako hegoaldean, Mañuetan eta Bastidan.

Horrenbestez, bai Arabako Errioxan, bai Arabako Txakolinaren inguruan kezkatuta agertu dira, Arabako Txakolinaren kasuan egoera honetara ohituago badaude ere, onddoak ere izaten ari direlako. Dena den, badirudi arazoa amaitzear dagoela, udako garai honetan landareak hazteari uzten diolako, eta hemendik bi astetara desagertzea espero dute. Mahasti gehienetan hostoetan bakarrik agertzen da mildiua, baina beste mahasti askotan mordoetan ere agertu dira.

Datozen egunetan ingurumen baldintzei erreparatzen jarraituko diete, eta baita onddoen bilakaerari ere lursail bakoitzean. Hala ere, badirudi abuztuko lehen egun hauetan eragin txikiagoa izaten ari dela. Mahastiak orbanak berriro agertu arte ongi babestuta mantentzea gomendatu dute, eta tratamenduen epeak errespetatzea. Horrez gain, aldez aurretik ez badira tratatu, ez da egokia puntak moztea eta hostoak kentzea. Azkenik, onddoen arriskua desagertu bitartean ez dira belar txarrak ere kendu behar.

Edonola ere, mahastietan kolore-aldaketa hasten ari da orain, beraz, urte arrunt batean baino hiru edo lau egun beranduago gertatzen ari da. Mahats eta mordo kopuru handia dago ia eskualde osoan, eta egoera, oro har, kontrolatuta dago izurrite eta gaixotasunei dagokienez.

Temas

Euskera

Contenido Patrocinado

Fotos

Vídeos