https://static.elcorreo.com/www/menu/img/zurekin-desktop.jpg

La Macanita flamenko-kantariaren kontzertua, larunbatean, Jesus Ibañez de Matauco antzokian

La Macanita flamenko-kantariaren kontzertua, larunbatean, Jesus Ibañez de Matauco antzokian

Kontzertua XXI. Mendeko Flamenkoa zikloaren barruan antolatu diren bigarren kontzertua da

PAUL PICADO

La Macanita flamenko kantariaren kontzertua izango da larunbatean Jesus Ibañez de Matauco antzokian. XXI. Mendeko Flamenkoa zikloaren barruan antolatuta dagoen bigarrena da. Kontzertua 20:30ean hasiko da eta sarrerak hemen eros daitezke, 15 euroren truke.

La Macanita Jerezko flamenko kantaria da, eta bere izena bere aitarengandik hartu du, 'El Macano' esaten diotelako. Gaur egungo flamenko kantaririk onenetako bat gisa hartzen dute. Lau urterekin dagoeneko telebistan agertu zen abesten eta dantzatzen. Harrezkero Espainiako tablao ospetsuenetan aritzeaz gain, nazioarteko zenbait jaialditan ere parte hartu du.

Hasiera batean 'España-Jerez' izeneko haurrentzako koruan abestu zuen, eta 14 urte zituela lehen errezitaldia egin zuen Ramon Trujillo gitarra-jotzailearekin batera. Lehen diskoa 20 urterekin kaleratu zuen, 'A la Luna Nueva' izenekoa.

Besteak beste Frantzian, Londresen eta Alemanian aritu da, eta zazpi lan kaleratu ditu, azkena 2017. urtean, Manuel Valencia gitarra jotzailearekin eta Chicharito eta El Macanoren txaloekin. Zenbait filmetan ere parte hartu du, hala nola Carlos Sauraren 'Flamenco' izenekoan, 1995. urtean.

Hainbat sari ere irabazi ditu, esaterako, 'Flamenko artearen Demófilo saria' (1992), Gabon-kantak sustatzeagatiko 'Real Tesoro' garaikurra (2002), 'Flamenco Hoy' saria, 2009ko kantu abesti onenarengatik, Andaluziako Banderaren saria, 'Flamenco Hoy' saria, 2010eko disko-ekoizpen onenarengatik, eta 2017an Grammy Latinoen flamenko bildumarik onenaren sarirako hautatu zuten.

Temas

Euskera