https://static.elcorreo.com/www/menu/img/zurekin-desktop.jpg

Gaueko tren zerbitzu berezia eskainiko du 3. Lineak Bilbao BBK Live jaialdian

Euskotreneko unitate bat, Kukullagako noranzkoan./Ignacio Pérez
Euskotreneko unitate bat, Kukullagako noranzkoan. / Ignacio Pérez

Gaurko kontzertuak amaitu ondoren, 15 minutuan behin zirkulazioak izango dira linea horretan. Bihar eta larunbatean, ohiko tren zerbitzuak izango dira kontzertuen ondoren bidaiarien joan-etorriak errazteko

ELCORREO.COM

Bilbao BBK Livera igo nahi baduzu gaur eta igandea bitartean, jakin ezazu tarte horretan Euskotrenek tren zerbitzu bereziak eskainiko dituela. Sozietate publikoak gaueko tren zerbitzu bereziak jarriko du martxan 3. linean, gaur, Bilboko jaialdira hurbilduko diren pertsonak erraz mugi daitezen. Gainera, bihar eta larunbatean jaialdira doazenek 3. lineak eskaintzen duen gaueko ohiko zerbitzua izango dute eskuragarri.

Euskotrenek jakinarazi duenez, gaurko kontzertuak amaitu ondoren, 15 minutuan behin zirkulazioak izango dira 3. linean. Hain zuzen, Kukullaga/Etxebarri-Matiko norabidean trenak 23.23tik 03.23ra ibiliko dira, eta Matiko-Kukullaga/Etxebarrikoan 23.30etik 03.15era. Hortaz aparte, beste bi zerbitzu izango dira 23.12an eta 23.17an. Tren berezi horiek jendearen itzulera erraztuko dute kontzertuak amaitu eta gero, eta ahalbidetuko dute etxerako buelta erabat erosoa izatea. Kontzertuak hasi aurreko garraio beharrak tren erregularrek beteko dituzte, ohiko ordutegian.

Halaber, bihar eta larunbatean, 3. lineako ohiko tren zerbitzuak izango dira kontzertuen ondoren badaiarien joan-etorriak errazteko, eta zirkulazioak 15 minutuan behin eskainiko dira gau osoan zehar. Interesdunek lasai egon daitezke beraz, gustokoak dituzten taldeak ikusi nahi badituzte.

Informazio gehiago behar duten erabiltzaileek Euskotrenen 944 333 333 telefono zenbakira dei dezakete eta bertan erantzungo dizkiete dituzten zalantza guztiei. Horrez gain, informazioa jaso dezakete Euskotreneko langileak dauden geltokietan eta geralekuetan, www.euskotren.eus webgunean, @euskotrenejgv Twitter gunean eta Euskotrenen aplikazio ofizialean.

Temas

Euskera

Contenido Patrocinado

Fotos

Vídeos