https://static.elcorreo.com/www/menu/img/zurekin-desktop.jpg

'Ladri di biciclette' filmak zabalduko du Donostia Zinemaldiko Klasikoa saila

'Ladri di biciclette' filmak zabalduko du Donostia Zinemaldiko Klasikoa saila

Italiako neoerrealismoaren film enblematikoa da, 1948ean sortua

EL CORREO

Donostiako Zinemaldia gero eta hurbilago dago. Heltzear. Ezagutu dugun azkenengo berrien artean, hauxe azpimarratu behar da: Vittorio de Sica zinemagile italiarraren 'Ladri di biciclette' filmak inauguratuko du 66. edizioko Klasikoa saila. 1948ko lana Italiako neoerrealismoaren film enblematikoa da, eta Tabakalera zentroko zinema aretoan ikusi ahalko da, irailaren 24an, Thierry Fremaux Canneseko zinemaldiko eta Lumière Institutuko zuzendariak aurkeztuta, Donostia Zinemaldiak jakinarazi duenez.

Modu honetan, 'Lumière! L'aventure commence' filmaren iazko aurkezpenaren ondoren, zaharberritutako klasiko baten emanaldia urteroko hitzordu bihurtzeko elkarlanari ekin diote berriro Donostia Zinemaldia eta Lyongo Lumière zinema jaialdia.

Boloniako Cineteca Fundazioko L'imagine Ritrovata laborategiak zaharberritu du filma. Zine kontserbazioan eta zaharberritzean mundu mailako erreferentzia da zentro italiarra. Aurreko Canneseko zinemaldiko Cannes Classics sailean aurkeztu zen film zaharberritua, eta handik gutxira, Boloniako II. Cinema Ritrovato zinemaldian proiektatu zen, Ritrovati e Restaurati 2018 sailaren barruan.

'Ladri di biciclette' zinemaren historiako lan onenen artean dago, ingelesa ez den hizkuntzako film onenaren Oscar saria irabazi zuen 1949an. Gizon baten zoritxarraren berri ematen du. Laneko lehenengo egunean, lan egiteko ezinbesteko bitartekoa lapurtuko diote: bizikleta.

Contenido Patrocinado

Fotos

Vídeos