Kelly McGillis aktorea Top Gun-en bigarren pelikulan ordezkatu dute nagusiegia izateagatik

1986an Top Gun pelikula estreinatu zenean Kelly McGillisek 29 urte zituen eta Hollywoodeko edertasunaren kanon guztiak betetzen zituen. 35 urte geroago, filmaren bigarren partea estreinatuko da. Tom Cruise bertan aterako da baina Kelly McGillis, ez. Zergatik? 63 urte dituelako eta 63 urte dituen emakume baten itxura duelako.

Hala dio Kellyk berak, pelikulan ez egotearen arrazoiak galdetzen dizkiotenean. «Ez zidaten deitu ere ez egin. Nagusia naizelako, potolo nagoelako eta nagusiegia naizelako», kontatu zuen ABC katean. Tom Gunen bigarren parte honetan, Jennifer Conellyk egingo du Tom Cruisen neska-lagunaren papera. Conellyk 50 urte ditu eta gazteago dirudi, beraz politagoa eta desiragarriagoa dela pentsatu dute filmaren egileek.

Tom Cruisek berak ia 60 urte dituen arren, gizonen kasuan adinak ez du garrantzirik. Emakumeentzat, ordea, Hollywoodek argi du: nagusiak direnean edertasuna galtzen dute eta beste aktore batek ordezka ditzake. Gutxienez hori da gertatutakoaz ateratzen den irakurketa eta oso arriskutsua da, emakumeen balioa adinaren eta edertasunaren arabera neurtzen duelako.