https://static.elcorreo.com/www/menu/img/zurekin-desktop.jpg

Kalean ondo pasatzeko 52 jolas dituen aplikazioa sortu dute

Kalean ondo pasatzeko 52 jolas dituen aplikazioa sortu dute
Fotolia

Aplikazioa 4 eta 7 urte bitarteko haurrentzat bereziki pentsatuta dago

AMALIA IBARGUTXI

Mugikor, tablet eta bestelako tresna teknologikoek eragin handia daukate haurren hezkuntzan. Horiek erabiltzen hazten dira, eta horiekin jolasten dira ere bai. Horregatik, asko dira helburu pedagogikodun aplikazioak. Yoko, adibidez. Jolasa, partaideak, eta erabiltzeko materiala aukera ditzake mugikorretarako app-ko erabiltzaileak. Jokoak, gainera, kalean jolastekoak dira. Wizart konpainia errusiarrarekin batera garatu dituzte.

Eguraldia alde izatea da, seguru aski, gurasoek aplikazioaren aurka daukaten arrazoi bakarrenetarikoa. Aplikazioak hainbat jolas biltzen ditu haurrek taldean eta kalean, parkean, mendian nahiz hondartzan jolas dezaten. Aplikazioa bereziki pentsatuta dago 4 eta7 urte bitarteko haurrentzat. Juanjo Elordi Yoko proiektuaren zuzendariak azaldu duenez, gainera, «produktuak batez ere guraso eta irakasleen interesa piztu du, kanpoan egiteko jolasak proposatzen dituelako».

Proiektua ikus-entzunezko Yoko produkzioaren baitan garatu dute, eta telesail eta pelikula batekin osatu dute proposamena. Dibulitoon eta Somuga deitzen dira horien sortzaileak, hurrenez hurren, eta «haurrak aire librean jolastera bultzatzeko» sortu dute.

Horregatik, telesailean ere, «haurrak parkean elkartzen dira jolasteko eta abentura liluragarriak bizi dituzte bertan». Aplikazioa sortzean argi zuten, baina, ez zuten sustatu nahi haurrek mugikorrarekin bakarrik jolastea, eta «horregatik sortu dugu zerbait desberdina» dio Somuga enpresako zuzendariak.

Aplikazioa jolas-bilduma bat da. Guztira 52 jolas dira, eta aplikazioak bilatzaile bat dauka jolas horiek hainbat aldagairen arabera iragazteko: zenbat jokalari izango diren, jolaserako elementuren bat behar den (adibidez baloi bat, soka bat edo kartoizko kaxa bat) eta haurrek zer duten gustukoen. Hortik abiatuta, jolasen aukeraketa bat egiten da, eta azalpen animatu txiki bat ere bai, arauak ikasteko.

Aplikazioa dohainik eta publizitaterik gabe eskuratu daitekeAndroid eta IOS gailuetarako. Konexiorik gabe erabil daiteke, edozein lekutan jolastu ahal izateko.

Temas

Euskera

Contenido Patrocinado

Fotos

Vídeos